ЕВЕ ШТО ЌЕ ЛАПНЕ „ВРЕДИ“ КАКО ДЕЛ ОД ВЛАСТА: Досега на тие позиции беше кадар на ДУИ
Објавено во: Македонија 09 Јуни, 2024
Повеќе од 60 државни агенции, затвори, здравствени и кулутурни институции, во кои на раководните функции директор или заменик-директор ќе бидат поставени кадри на ВЛЕН, коалициониот партнер на ВМРО-ДПМНЕ. Од она што досега е јасно, ВЛЕН влегува на местата каде досега имаше кадри на ДУИ. Па така, директори ќе имаат на Клинички центар, заменици во Фонд за здравство и Пензиски фонд.
ВЛЕН ќе раководи и со повеќе театри, со Филхаронија, а заменик директор ќе добие и во Универзитетската библиотека во Скопје.
Од затворски институции, добива двајца директори и тројца заменици директори. Па така, кадри на оваа партија ќе раководат со струшкиот и тетовскиот затвор, а заменици ќе има во охридскиот, во Шутка и Куманово.
Распределбата на ресори не е готова и се прават завршни преговори. Дел од институциите ќе добијат и ЗНАМ на Максим Димитриевски.