Еве зошто Бугарија не даде зелено светло
Објавено во: Македонија, Корона Вирус 06 Ноември, 2020
Бугарија не сакала нејзините условувања да завршат како декларација на ЕУ.
Агенцијата БГНЕС oбјави дека Бугарија го одбила предлогот во ЕУ нејзините барања да бидат ставени во декларација надвор од преговарачката рамка, за да даде зелено светло за започнување на преговорите со Македонија. Бугарското МНР објави дека Бугарија официјално ја известила Европската комисија дека не е во можност да ја прифати предложената рамка за преговори за Република Северна Македонија и нацрт-декларацијата до неа. Како аргумент се наведува дека не постојат потребни гаранции за исполнување на условите поставени од Бугарија.
Рамката за преговори предвидува можност за поставување на нашите услови во декларацијата на Советот на ЕУ која не е правно обврзувачки инструмент, соопшти Министерството за надворешни работи на Бугарија.
-Барањето на Бугарија до европските институции е нејзините услови да се рефлектираат директно во Рамката за преговори. Бугарија инсистира на тоа дека Република Северна Македонија треба да ги исполни своите обврски согласно Договорот за добрососедство и пријателство, дека не го признава македонскиот јазик и е против тоа да биде регистриран како официјален јазик на Европската унија, пишува БГНЕС.
Разочарани сме од одлуката на Република Бугарија да не го поддржи усвојувањето на Рамката за преговори за Северна Македонија, што не е во согласност со Договорот за пријателство, добрососедство и соработка од 2017, брифираат за Фактор од Владата.
Велат дека остануваат посветени на Договорот и уверени се дека тој претставува одлична рамка за менаџирање на билатералните прашања и нуди механизми за надминување на проблемите.фото БГНЕС
Можеби ќе ве интересира
ДАШТЕВСКИ: Нема бојкот, сите што излегле на парламентарни, гласале и за претседател
ТОШКОВСКИ: Во текот на вчерашниот ден имаше незаконски дејствија
ДИК: На претседателските најголема излезност во Пробиштип, а најмала во Боговиње
НАРОДЕН ПРАВОБРАНИТЕЛ: Граѓаните можат да пријават повреда на избирачкото право на бесплатна телефонска линија и лично
ВТОР КРУГ ПРЕТСЕДАТЕЛСКИ ИЗБОРИ: Колку гласови се потребни за победа?
ПОМИНА ВЕЛИГДЕН: Уште колку дена имаме фора за да ги изедеме вапцаните јајца?
ВАЖНО ЗА ГРАЃАНИТЕ: Mожaт да гласаат оние со лични документи чија важност завршила пред 9 месеци
ФАКТОР НА ДЕНОТ: Денеска гласаа болните и затворениците
ЛЕТОЦИ ВО ЧАИР: Пишува „Ако си муслиман, не гласај“
