ЕВН им нуди можност за практикантска обука на средношколци
Објавено во: Мои пари 03 Јуни, 2014 14:42
Средношколци од електротехничките училишта во текот на јуни ќе имаат можност да посетуваат практикантска работа во ЕВН Македонија. Практикантската обука во ЕВН се организира по вторпат. За разлика од мината година кога во пилот проектот беа вклучени учениците од електротехничкото училиште “Михајло Пупин”од Скопје, годинава практикантска работа ќе посетуваат и ученици од средните училишта од Куманово, Гостивар и од Кочани.
Практикантите ќе бидат менторирани од искусни професионалци во областа, и за секој практикант е предвидена програма за учење, обука и работа која е во согласност и со наставната програмата за практична настава на Центарот за стручно образование и обука на Р.Македонија.
ЕВН Македонија постојано и долгорочно дава поддршка на образовниот процес и на образовните институции, особено на оние од електротехниката.
Напредокот на младите во областа на нивниот професионален развој за ЕВН Македонија е особено важен. ЕВН Македонија е меѓу првите компании која обезбеди решение за верификуван работодавач за вршење практична обука на средношколци.
Можеби ќе ве интересира
МЛАДАТА УМЕТНИЧКА ОЛИМПИЈА КАМЧЕВА-СТОЈЧЕСКА ДОБИТНИК НА ПРЕСТИЖНАТА НАГРАДА SANTIPHARMA AWARD ВО ВЕНЕЦИЈА
КАСТРИОТ АРИФИ ВО „БИЗНИС-КЛУБ“: „ОБРАЗОВАНИЕТО ТРЕБА ДА СЕ ФОКУСИРА НА РАЗВОЈ НА ВЕШТИНИ, КРИТИЧКО МИСЛЕЊЕ И МЕДИУМСКА И ДИГИТАЛНА ПИСМЕНОСТ“
„Музички вез со џез ритам“ - омаж на македонското музичко наследство
И Центарот за обука на МВР ќе се снабдува со енергија од фотоволтаична централа – донација од ОКТА
Халкбанк клучен поддржувач на македонскиот ракомет, потпишан договор за соработка и за 2026 година
Инграм Микро – Македонија, Албанија и Косово го одбележува својот десетгодишен јубилеј: декада на раст, партнерство и технолошка трансформација
Дигитална картичка веднаш! „Digital first“- нова функционалност на НЛБ Банка
