ЕВН Македонија организира награден конкурс за најдобри маски инспирирани од книги
Објавено во: Мои пари 24 Март, 2015
ЕВН Македонија го продолжи рокот за пријавување на наградниот конкурс за најдобра маска инспирирана од книга, со што ќе се одбележи Светскиот ден на книгата за деца, 2 април.
Конкурсот е отворен до 29 март, до кога учесниците треба да испратат фотографии на кои се фотографирани со своите маски, на следнава е -адреса: konkurs@evn.mk.
Право на учество на овој повик имаат сите ученици од 6 до 14 години од сите основни училишта низ Македонија.
Финалната средба на „ликовите од книгите“ ќе се случи на први април, Денот на шегата, кога ќе бидат доделени и наградите за најкреативните маски, за кои ќе решава тричлено жири.
За најкреативните пет маски ЕВН ќе обезбеди таблети со апликации за читање електронски книги. Проект се реализира во партнерство со асоцијацијата за истражување, комуникации и за развој „Паблик“, а фотографии со најдобрите маски ќе бидат објавени и на страниците на уличното списание „Лице в лице“, чијшто следен број ќе биде посветен на книгата и на нејзината моќ.