„Европа мора да преговара со Русија, а не да чека на Америка“: Орбан со нов апел до колегите

Добивај вести на Viber

Унгарскиот премиер Виктор Орбан упати остар апел до европските лидери, предупредувајќи дека „ризикот Европа да биде вовлечена во конфликт е поголем денес отколку во кое било време од почетокот на војната во Украина“. 

Орбан рече дека е крајно време Европската Унија да ја промени својата политика и да започне директни преговори со Русија, наместо да чека исход од договорите меѓу САД и Русија.

„Мирот бара трпение, сила и понизност. Европа мора да ја промени својата позиција“, напиша унгарскиот премиер на социјалната мрежа X, додавајќи дека сегашната политика на Брисел е деструктивна за континентот.

„Наместо ароганција и поттикнување бескрајна војна, ни требаат преговори со Русија. Само дијалогот може да донесе мир на нашиот континент“, рече Орбан, придружувајќи ја својата објава со симболот на гулаб на мирот.

The EU was built to serve sovereign nations, not to rule them. Brussels holds no leash on Hungary. We take no orders from unelected bureaucrats and answer only to our people. It's time to set the record straight. pic.twitter.com/glNxi30Wvz

— Orbán Viktor (@PM_ViktorOrban) August 14, 2025

Зборувајќи подоцна на пленарната сесија на Унгарската постојана конференција (MAERT) во Будимпешта, Орбан оцени дека прашањето за војната и мирот во Украина е најитното прашање на европската политика, особено за земјите од Карпатскиот басен.

„Европа мора да преговара со Русија за да постигне мирен договор и да изгради нова европска безбедносна архитектура“, рече Орбан. „Ова не смее да биде прашање што другите ќе го решат - Европа мора да преземе одговорност и да зборува со свој глас.“

Според него, предлогот на Унгарија за решение е јасен: дипломатски пат, а не ескалација.

„Иако Украина е клучно прашање во секој договор, таа не е најважното. Потребна е поширока европска дискусија за вооружувањето, големината на армиите и безбедносен систем со механизми за следење“, нагласи Орбан, додавајќи дека некои од претходните договори за контрола на оружјето веќе се грубо прекршени.

Унгарскиот премиер претходно ги критикуваше европските лидери за она што го нарекува „смртоносна комбинација од ароганција и потчинување на интересите на другите луѓе“, нагласувајќи дека политиката на санкции и поддршка на бесконечна војна мора да заврши заради мирот и стабилноста во Европа.