29 Март, 2024
0.0250

Европската управа за безбедност на храната не го менува одобрението за пченката „Монсанто“

Објавено во: Агробизнис 07 Октомври, 2012

Добивај вести на Viber

Европската управа за безбедност на храна (ЕСФА) не го прифаќа извештајот за штетноста на американската пченка од фирмата „Монсанто“. Од ЕСФА тврдат дека извештајот на францускиот научник Жил Ерик Саралини за штетноста за здравјето на генетски модифицираната пченка на американската фирма „Монсанто“, е неадекватен. Научникот Сералини и неговиот тим од Универзитетот во Каен неодамна излегоа со тврдења дека генетски модифицираната пченка НК603 и средството против коров, кое се користи за неа, а кое исто така го произведува „Монсанто“, предизвикува зачестената појава на тумор кај лабораториските глувци. Но спред ЕСФА тврдењата на Сералини, не се причина за повторно да го разгледа своето одобрување за овој вид на генетски модифицирана пченка. Управата од Сералини побара дополнителни информации за основата на неговите тврдења. Научникот одбива да даде дополнителни информации, но бара од ЕСФА претходно да објави на што ја заснова својата проценка. Тој криењето од јавноста на таквите информации ги нарекува апсолутно скандалозни. А во прилог на своите тврдења Сералини нагласува дека во неговото истражување е следен целокупниот двогодишен животен циклус на глувците, додека ЕСФА се потпира само на следење на дејството на ГМ храната на тие животни во рок од 90 денови. Од Европската управа тврдат дека Сералини во неговите истражува наводно користел вид на глувци, кои по природа се поподложни на тумори, без разлика на влијанијата на надворешните фактори. Европската управа за безбедност на храната во мај годинава, процени дека привремената француска забрана на еден друг вид на ГМ пченка на „Монсанто“, наречена МОН 810, не се темели на научни докази. На ваквите соопштенија бурно реагираа Движењата за заштита на животната средина, кои се противат на одгледување на ГМ храна, кои велат дека ЕСФА не прави доволно за да ја провери нештетноста на ГМ производите, а во исто време го осудува трудот на другите, при тоа ставајќи го интересот на биотехнолошката индустрија пред јавната безбедност.

Можеби ќе ве интересира

СЕ БЛИЖИ ВЕЛИГДЕН: Колку пари ќе ви требаат ако сакате да купите јагне?

СЕ БЛИЖИ ВЕЛИГДЕН: Колку пари ќе ви требаат ако сакате да купите јагне?

ОД ДЕНЕС ВЕДРО НЕБО И МНОГУ СОНЦЕ: Максималните дневни температури пролетно високи

ОД ДЕНЕС ВЕДРО НЕБО И МНОГУ СОНЦЕ: Максималните дневни температури пролетно високи