Добивај вести на Viber
Европските банки ќе враќаат дел од кредитите кои Европската централна банка (ЕЦБ) им ги додели за да ги зајакнат билансите. Прогнозите на некои од светските аналитичари се дека околу 200 милијарди евра од вкупно распределените 1 трилион, може да бидат вратени во почетокот на следната година.
Повеќе од 800 банки во еврозоната ги искористија најевтините, долгорочни кредити од ЕЦБ, кои беа понудени на два пати во текот на декември 2011 и февруари 2012 година.
Предвременото раздолжување би помогнало на некои банки да изгледаат стабилни во очите на инвеститорите и рејтинг-агенциите, кои се загрижени за зголемената зависност на некои институции од централната банка.
Банките ќе ја почнат исплатата на кредитите од првата транша од 489 милијарди евра на 30 јануари, а додека од втората транша од 529 милијарди ќе бидат исплатени на 27 февруари 2013 година.Меѓу банките кои ќе почнат со предвремена отплата се BNP Paribas, Societe Generale, Unicredit и Intesa Sanpaolо.