Европските банки собрале 200 милјарди евра нов капитал

Добивај вести на Viber

Европските банки, од декември минатата година до јуни годинава , успеале да соберат над 200 милијарди евра нов капитал кој би служел за заштита од идните финансиски кризи , се вели во финалниот извештај на Европската агенција за докапитализација на банките (ЕБА). ЕБА објави дека на 27 банки во декември 2011 година им препорачува да го зголемат капиталот, па оттука до крајот на јуни биле собрани 116 милијарди евра. Извештајот опфатил 71 банки, но шест грчки банки подоцна отпаднале поради меѓународната помош за Грција,а уште четири банки во меѓувреме претрпеле сериозно реструктуирање со што и бројот на банки во конечниот извештај на ЕБА се намалува за 10. ЕБА во декември утврди дека 37 банки од тестирани требало да соберат вкупно 114,7 милјарди евра. Во јули, на 27 од нив им медостигале уште 76 милјарди. Дополнителен капитал од 47 милјарди евра бил собран од 34 банки кои воопшто и не биле задолжени тоа да го сторат, известуваат од Агенцијата. „Генерално земено, докапитализацијата резултираше со зголемување на капиталната позиција на банките за повеќе од 200 милијарди евра. Според препораките, зголемувањето на капиталот не доведе до значителен пад на кредитите во стопанството", стои во извештајот. Според  Агенцијата, ова е голем успех во јакнењето на европскиот банкарски систем, позициите за финансирање на економијата се подобрени, но и понатаму мора внимателно да се постапува со капиталот.