Добивај вести на Viber
Според податоците на европската канцеларија за статистика Евростат, земјите членки на еврозоната во текот на 2011-та година имале подобра контрола над својот буџетски дефицит, но и покрај тоа вкупното ниво на нивниот јавен долг продолжува да расте над границите усвоени во ЕУ.
Анализата на податоците покажува дека минатата година еврозона имала просечен буџетски дефицит од 4,1 % од БДП, што е пад од 6,2 % од 2010 година, но сепак над границите на ЕУ од 3 % од БДП, покажаа податоците на Евростат.
Во меѓувреме и грчкиот завод за статистика ги ревидираше во плус податоците за буџетскиот дефицит и јавниот долг од 2011 година, а според прелиминарните податоци, буџетскиот дефицит на Грција лани изнесувал 9,4 % бруто, а јавниот долг 170,6 % од БДП.