ФАБРИКА „КАРПОШ“ ЌЕ КУПУВА ГРАДЕЖНО ЗЕМЈИШТЕ - одлуката ја донесе Собранието на акционери, сумата е 772 илјади евра
Објавено во: Економија 24 Јуни, 2022
Компанијата Фабрика Карпош ќе купува градежно земјиште вредно 772 илјади евра.
Оваа одлука ја донело Собранието на акционери на компанијата.
„Се донесува одлука за купување на градежно земјиште ... и пренесување на правото на градење на објект во градба, согласно лис на Предобележување на градба во вкупна купопродажна цена од 47.500.000 денари без ДДВ.
Се ополномоштува претседателот на УО Горан Јоксимовиќ во својство на овластено лице во Фабрука Карпош АД Скопје, да го потпише договорот меѓу Фабрика Карпопш АД Скопје и Градежен институт Македонија пред надлежен нотар на подрачјето на Град Скопје. Одлуката стапува во сила со денот на донесувањето“, се вели во одлуката испратена до Берзата од Фабрика Карпош.
Фабрика Карпош АД Скопје е друштво за проектирање, производство и монтажа на бетонски полуфабрикати, станови, индустриски објекти, мостови и далноводи.
Компанијата работи со добивка, барем од она што се гледа за последните три години, иако таа е намалена во 2021 година, во однос на 2020 и 2019 година.
Н.Н.Ф.