ФАКТОР АНАЛИЗА: Без леб не се може! Колку работат за да заработат најголемите пекари во Скопје?

Добивај вести на Viber

Профитната маргина кај четири од петте најголеми лебни компании е помала од 3% од приходите. Најголемиот производител на леб во Македонија лани од дејноста инкасирал 20 милиони евра. Само една од најголемите пекарски компании има профит поголем од 1 милион евра.

Некои велат дека лебот нема цена, други не го јадат затоа што гои, трети го презираат па го менуваат со субститути, за некои е прескап, а луѓето во Газа молат за парче.
Секој од своја перспектива, мери и цени, но факт е дека лебот е еден од основните извори на храна и неговото место во човековата исхрана е незаменливо. Благодарение на лебот низ вековите и опстоило човештвото.

Лебот не е продукт со висока цена. Барем не во споредба со горивото, лековите и облеката. Лебот е нужен продукт за исхрана и неговата цена е важна за социјално загрозените слоеви во секое општество.

Како и да е, производството на леб бара многу откажувања. Пред се од социјалниот живот, излегувања, седенки, друштва и кафеани. Затоа што пекарите и лебарите стануваат и работат кога сите други спијат. И обратно тие спијат кога животот е во полн ек, кога денот носи бројни настани и собитија.

И токму заради овие факти, секогаш треба да се почитуваат луѓето кои се грижат за тоа на нашата трпеза да имаме тазе леб. Без разлика кој колку го јаде и каков го сака. 

Најголемите пет компании од областа на производството на леб во земјава се во Скопје. Поточно една од нив е од Охрид, но со деловни операции во Скопје.
Само една од овие пет компании лани имала профит поголем од 1 милион евра. Сите други се во профитна маргина помала од 3%.

Најголема компанија за производство на леб, брашно и пецива како и долги години досега е скопскиот гигант „Жито Лукс“. Најпрофитабилна компанија во групата најголеми е „Жито Клас“ кој е единствен со добивка поголема од 1 милион евра. Таа воедно е и компанија со најмалку вработени (односно 87 лица) меѓу големите пекарници.

Втор најголем производител на леб, брашно и пецива е „Жито Леб“ од Охрид, пред „Специјал“ Скопје и пекарата „Диме“.

Подолу е листата на најголемите лебни компании во Македонија