ФАКТОР АНАЛИЗА: Најпознати и најголеми адвокатски друштва во Скопје?

Добивај вести на Viber

Да најдеш добар адвокат е половина завршена работа, кажува народната мудрост. Адвокатската професија е често критикувана, а воедно и посакувана. Мед и пелин, топло и ладно, може и не мора да значи. Од тужба до рочиште, од поднесок  до пријава. Одложи, закажи, побарај, одречи. Предложи и докажи, побарај или изземи. Секогаш тука за својот клиент. Тоа е секојдневието за секој адвокат.

Важно е познавањето на законите, правната логика, но и контактите, праксата и рутината. Нема ниту една друга професија за која обичните луѓе имале и имаат повеќе поделени мислења. Но тоа и не е важно кога ќе имаат зорт, секогаш бараат добар адвокат. Тој што ќе ја истера нивната вистина низ судската пресуда.

Скопје е македонска престолнина во секоја смисла на зборот. И правото и правосудството не се исклучок од ова. Град со најногу основни судови, апелациски, Врховен суд, два управни суда и секако во кој седиште има и Уставниот суд.

Тоа значи илјадници предмети годишно, поднесоци, одложувања, претставки, доставници, аргументи, изземања... Сето тоа некој треба да го смисли, сложи, напише на хартија, поднесе и образложи.

Затоа што има најголем правен промет во Скопје логично е тука да се и најголемите и најпознати адвокатски друштва. Угледот го црпат од годините работа во која покажале и докажале дека знаат да бранат и напаѓаат, да докажуваат и укажуваат аргументирано. По процедура и по деловник, по правилник и упатство. Некогаш формата е и поважна од суштината, но тоа е нашето правосудство. На крај е важно да е задоволен клиентот, да се добие предметот и да се наплатат паушалите и хонорарите.

„Фактор“ направи ранг листа на најголемите адвокатски друштва во Скопје. Аргумент за нивниот ангажман се приходите што ги прават во тек на една година. Тоа ги рангира и укажува колку клиенти имаат и колкави пари заработуваат.

Пред вас почитувани читатели е листата на најголемите и најуспешни скопски адвокатски друштва: