ФАКТОР ДОЗНАВА НЕОФИЦИЈАЛНО: Софијанова повторно на чело на Детската клиника, разрешени и Жан Зимбаков од Кардиологија и Андоновски од Козле

Добивај вести на Viber

Големи промени во директорските фотељи во неколку клучни клиники во Скопје и Институтот за белодробни заболувања кај децата „Козле“. Фактор неофицијално дознава веќе им е соопшттено дека се разрешени од функциите директори, д-р. Наташа Алуловска од Клиниката за детски болести во Скопје, Жан Зимбаков од Клиниката за кардиологија, како и диркторот на Институтот за белодробни заболувања „Козле“, д-р. Ангелчо Андоновски.

Според изворите на Фактор, Алуловска и Андоновски решенијата за нивна смена треба да ги потпишат денеска.

Неофицијално, на местото на Алуловска повторно ќе дојде, д-р. Аспазија Софијанова.

Истовремено, се уште актуелниот директор на Институтот за белодробни заболувања, д-р. Андоновски вели дека се уште нема решенија за смени, односно дека имаат менаџерски договори, заради што мора да си дадат оставка, а како што вели, тоа од нив никој не го побарал.

Некои од упатените за Фактор велат дека и покрај нивното разрешување од функциите, сепак во изминатиот период, во кој Македонија се соочуваше и се уште се бори со епидемијата на корона кризата, тие како менаџери на овие клучни здравствени установи покажаа успешни резултати.

Засега на директорските места остануваат д-р. Христијан Костов во ГОБ „8 Септември“, како и д-р. Милена Стевановиќ на Клиниката за инфективни болести.