ФАКТОР НА ДЕНОТ: Бугарија ги оствари заканите, а Филипче повика да не се излегува од дома без потреба

Добивај вести на Viber

БУГАРИЈА ГИ ОСТВАРИ ЗАКАНИТЕ ЗА БЛОКАДА

Бугарија не сакала нејзините условувања да завршат како декларација на ЕУ.

Агенцијата БГНЕС oбјави дека Бугарија го одбила предлогот во ЕУ нејзините барања да бидат ставени во декларација надвор од преговарачката рамка, за да даде зелено светло за започнување на преговорите со Македонија. Бугарското МНР објави дека Бугарија официјално ја известила Европската комисија дека не е во можност да ја прифати предложената рамка за преговори за Република Северна Македонија и нацрт-декларацијата до неа. Како аргумент се наведува дека не постојат потребни гаранции за исполнување на условите поставени од Бугарија.

Разочарани сме од одлуката на Република Бугарија да не го поддржи усвојувањето на Рамката за преговори за Северна Македонија, што не е во согласност со Договорот за пријателство, добрососедство и соработка од 2017, брифираат за Фактор од Владата. 

Велат дека  остануваат посветени на Договорот и уверени се дека тој претставува одлична рамка за менаџирање на билатералните прашања и нуди механизми за надминување на проблемите. 

ФИЛИПЧЕ ПОВИКА ДА НЕ СЕ ИЗЛЕГУВА ОД ДОМА БЕЗ ПОТРЕБА

Министерот за здравство, Венко Филипче, на денешната прес конференција предупреди на сериозната ситуација со епидемиолошката состојба во земјава, нагласувајќи дека имаме експлозија на вирусот. Вели дека тој е распространет насекаде и дека дури и најмало невнимание може да доведе до трансмисија.

-Вирусот е широко распространет, и најмало невнимание може да значи инфекција. Сметаме дека  мерките кои ги имаме се одлични, заради што и на утринскиот состанок со Комисијата за заразни болести заклучивме дека засега не се потребни дополнителни рестриктивни мерки. Тоа што е важно и воедно апелирам е да се почитуваат мерките, и да не се излегува од дома ако се нема потреба, само до маркет, до работно место…, истакна министерот.

ДЕНЕС НАД 1.100 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 3082 тестирања, а регистрирани се 1128 нови случаи на ковид-19 во: Скопје-569, Куманово-51,  Дебар-12, Штип-35, Прилеп-43, Тетово-50, Струга-16, Велес-45, Битола-57, Охрид-38, Кавадарци-35, Гостивар-10, Гевгелија-14, Струмица-33, Крива Паланка-5, Радовиш-11, Крушево-2, Кочани-22, Пробиштип-5, Демир Хисар-5, Македонски Брод-1, Берово-3,  Валандово-1, Виница-4, Делчево-8, Кратово-3, Свети Николе-8, Кичево-27, Ресен-7, Неготино-8. 

Денеска Институтот за јавно здравје регистрира 307 оздравени пациенти од: Скопје-71, Куманово-10, Дебар-7, Штип-18, Прилеп-27, Тетово-29, Велес-12, Битола-19, Гостивар-12, Гевгелија-14, Струмица-25, Радовиш-7, Кочани-15, Пробиштип-3, Демир Хисар-1, Македонски Брод-2, Пехчево-2, Берово-6, Валандово-6, Кратово-1, Свети Николе-4, Кичево-12, Ресен-4.

ПОЧИНА ЈУГОСЛАВ КОЈ БАРАШЕ ПОМОШ ЗА ДА СЕ ЛЕКУВА ВО ПРИВАТНА КЛИНИКА

Југослав Николиќ, кој бараше помош односно донации за да  може да се лекува на приватна клиника, починал од последиците на ковид 19. 

Тоа токму сега беше објавено на неговиот фејсбук профил, до сите добронамерни луѓе, да не донираат повеќе средства, а на оние што донирале, ќе им бидат вратени парите.

ЧИТАЈТЕ УШТЕ

Најмалку 10 проценти од новозаразените граѓани со корона вирусот завршуваат во болница, бидејќи нивната здравствена состојба задолжително бара болничко лекување. Земјава се соочува со експоненцијален раст на епидемиолошката крива, поради што здравствените власти изминативе 10 дена се во целосна мобилизација на болниците и на кадарот.

Сите болници во Македонија каде се лекуваат пациенти болни од корона вирусот, во случај кога ќе почине пациент испраќаат комплетна документација за самиот пациент, во која има детални податоци за неговата здравствена состојба. Освен што се наведени податоци за причина за смртта, има и податоци за дополнителни коморбидитети, потврдуваат од неколку болници за Фактор.

На првиот Комитет на постојани претставници во Советот на Европска Унија (КОРЕПЕР), нашата држава денеска е блокирана од Бугарија. Ова е првиот негативен сигнал од Бугарија за европската интеграција на Северна Македонија.

Советот на Агенцијата за аудио и аудиовизуелни медиумски услуги на денешната седница донел одлука да ги одложи во рок од 30 дена подзаконските акти за регистрирање на програмските пакети за реемитување на кабелските оператори.

И во услови на корона криза, не претсанува општествената дебата околу тоа дали недела треба да биде неработен ден за сите работници, освен за оние во чии дејности не е можно да се прекине работењето или производниот процес.

Во летниот период (јули,август и септември) во кој доминираат годишните одмори, „Прилепска пиварница“ успеала на домашен пазар дневната просечна продажба да ја крене до ниво од 97.000 евра што е резултат за респект во услови на ограничувања предизвикани со превентивните мерки за корона заразата.

„Македонската радиотелевизија“ во вкупните трошоци за вработените испланирале и вршење на ПЦР тестови за корона вирусот во 2021 година, а за тоа предвидени се 600.000 денари .