ФАКТОР НА ДЕНОТ: Бугарија на попушта, Македонија пак бележи 515 нови заразени

Добивај вести на Viber

БУГАРИЈА ПРИФАТИЛА НОН - ПЕЈПЕР, НО СЕ ПРЕМИСЛИЛА

Новинар објави каков нон пејпер прифатила Бугарија неодамна на средбата во Берлин, но потоа се повлекла. 

Македонија и Бугарија постигнале договор за надминување на најавената блокада во Европската Унија на минатонеделниот состанок во Берлин,  тврди австрискиот новинар Кристијан Фердинанд. 

Тој денеска на својот Фејсбук профил го објави неформалниот документ кој го договориле македонскиот министер за надворешни работи Бујар Османи и неговата бугарска колешка, Екатерина Захариева.

Бугарите се големи провокатори, изјави денеска екс министерот за здравство, Никола Тодоров во Студио 10 на ТВ 24.

„Замислете, ние да влезевме пред 25 години во ЕУ, да го решевме спорот со Грција. И тогаш ние ќе и поставувавме блокади на Бугарија, како што тие сега прават. Овој спор нема да биде едноставен и премиерот Заев треба да биде многу внимателен“, рече Тодоров.

ЗА 24 ЧАСА ИМАМЕ 515 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 1293 тестирања, а регистрирани се 515 нови случаи на ковид-19 во: Скопје-207, Куманово-33,  Штип-33, Прилеп-25, Тетово-17, Велес-21, Битола-22, Охрид-3, Кавадарци-16, Гостивар-16, Струмица-17, Крива Паланка-8, Радовиш-7, Крушево-1, Кочани-21, Пробиштип-7, Демир Хисар-3, Пехчево-2, Берово-10,  Виница-2, Делчево-11, Кратово-1, Свети Николе-2, Кичево-18, Неготино-12. 

Денеска Институтот за јавно здравје регистрира 1194 оздравени пациенти од: Скопје-508, Куманово-41, Дебар-9, Штип-50, Прилеп-80, Тетово-69, Струга-17, Велес-60, Битола-28, Охрид-37, Кавадарци-43, Гостивар-31, Гевгелија-19, Струмица-41, Крива Паланка-42, Радовиш-7, Кочани-30, Пробиштип-13, Демир Хисар-2, Македонски Брод-1, Пехчево-3, Берово-5, Валандово-4, Виница-1, Делчево-1, Кратово-4, Свети Николе-13, Кичево-24, Ресен-4, Неготино-7.

НЕМА ПОВЕЌЕ ГРУПИРАЊА НА ПОВЕЌЕ ОД 4 ЛИЦА ВО ТЕКОТ НА ДЕНОТ

Владата на денешната 18-та седница донесе одлука за забрана за групирање на повеќе од четири лица на јавен простор. 

Ова се однесува за паркови, јавни површини или било каде на отворен простор и наместо по 21 часот забраната ќе трае во текот на целиот ден, цела седмица и со точно дефинирани исклучоци од оваа забрана.

ВО СРБИЈА ЌЕ СЕ ПАТУВА БЕЗ ПЦР ТЕСТ

Македонските граѓани ќе може да патуваат во соседна Србија без ПЦР-тестови, што е дел од Договорот кој денеска со Меморандум го потпишаа Зоран Заев и неговиот албански колега, Еди Рама, како и српскиот претседател Александар Вучиќ. Поради сличната епидемиолошка состојба во Македонија, Албанија и Србија, одлуката за проток на патници само со важечка лична карта е од огромен бенефит за регионалната економија, посочија балканските лидери на денешната онлајн средба.

АНТИКОРУПЦИСКА ВЕЛИ ДЕКА НЕ МОЖЕ УСТАВНИТЕ СУДИИ САМИ ДА СИ ГИ ЗГОЛЕМУВААТ ПЛАТИТЕ

Ќе го разгледува случајот и ќе утврдува дали може уставните судии со измена на деловник на рабта да си доделат надоместоци на плата. Државната комисија за спречување на корупцијата се вклучува во случајот - на 22 октомври годинава Уставниот суд одлучил на судиите да им се исплатува за 35 отсто повисоки додатоци на плата. Претседателката Билјана Ивановска вели дека тоа на таков начин не е можно. 

ЧИТАЈТЕ УШТЕ

Меѓу најавите за нови карантини односно локадаун на национално ниво, многу од земјите објавија дека имаат одлични економски резултати во третиот квартал годинава. Додека повеќето важни економски партнери на Македонија веќе влегуваат во ново затворање со што одлучија повторно на некаков начин да ја жртвуваат економијата на сметка на ублажување на ширењето на коронавирусот, во земјава уште се калкулира со други рестрикции.

Нето добивката на НЛБ Банка на крај на септември изнесува над 20 милиони евра што е за 13 отсто помалку од лани. 

Здравствените власти во текот на неделава најдетално ќе ја анализираат епидемилошката состојба, а во случај актуелните мерки да не ги дадат потребните резултати, не ја исклучуваат можноста за воведување на најригорозната рестриктивна мерка, полицискиот час.

Поранешниот претседател на Сојузот на Ромите, Амди Бајрам, како пратеник од претходниот мандат во Законодавниот дом.добил исплата на две апанажи од Собранието четири дена откако починал. 

Короната значајно ја забави домашната економија, а тоа е очигледно и од работењето на домашните шпедиции. Гиганот меѓу нив „Фершпед“ годинава има пад на приходите од продажба за 19 отсто во споредба со истиот период лани и пад на нето добвката за 46 отсто.

Во нашата нова кампања сакаме да промовираме основачи на бизниси кои разбираат што значи да имаат познавање од дигитален маркетинг бидејќи им е потребно за развој на својот бизнис.

Бугарија веќе ги постави трите услови кои Македонија треба да ги вклучи во преговарачката рамка, а тоа се:  добрососедските односи да бидат критериум за членство на Македонија во ЕУ, да се користи официјалното уставно име на државата, а не краткото, и формулацијата за јазикот наместо „македонски јазик“ да биде „официјален јазик“ на земјата-кандидат.

Доколку Македонија наскоро не ги почне преговорите со Европската Унија поради блокада од Бугарија, младите во земјава ќе бидат разочарани и сите надежи за подобра и посигурна иднина ќе паднат во вода.