ФАКТОР НА ДЕНОТ: Бугарија стави вето на преговорите, „Не“ за Македонија и „Да“ за Албанија

Добивај вести на Viber

БУГАРИЈА ГО БЛОКИРА ПРЕГОВОРИТЕ НА МАКЕДОНИЈА СО ЕУ

Бугарската шефица на дипломатијата, Екатерина Захариева потврди дека ќе дадат зелено светло за Албанија, но не е и за Македонија. 

„Република Бугарија може да ја одобри преговарачката рамка со Албанија, со оглед на тоа дека сметаме оти се исполнети многу од условите што беа одредени во март. Сепак, не можеме да го поддржиме тоа со Северна Македонија“, изјави попладнево Захариева. 

Таа се обрати пред новинарите откако заврши денешната видео конференција на Советот за општи работи на ЕУ.

Таа тврди дека нема напредок во исполнувањето на Договорот за добрососедство кој беше потпишан летото 2017 година.

„Добрососедството треба да се базира на пракса, а не само на текст“, вели таа. Република Северна Македонија ќе има место во Европската унија кога ќе биде подготвена. Во моментов, Бугарија не смета дека е подготвена. Ова го изјави во утринската емисија „Денот започнува“ министерката за надворешни работи на Бугарија, Екатерина Захариева.

Ова не е време за почеток на првата меѓувладина конференција, изјави германскиот државен министер за Европа, Михаел Рот 

На Албанија и Македонија им порача дека тоа е долг пат со многу преговори. 

Тој рече дека треба да се решат билатералните спорови. 

ДЕНЕС 977 НОВИ ЗАРАЗЕНИ СО КОРОНАВИРУС

Министерството за здравство информира дека во последните 24 часа се направени 2930 тестирања, а регистрирани се 977 нови случаи на ковид-19 во: Скопје-503, Куманово-55,  Дебар-1, Штип-14, Прилеп-45, Тетово-40, Струга-32, Велес-29, Битола-67, Охрид-40, Кавадарци-15, Гостивар-22, Гевгелија-10, Струмица-11, Крива Паланка-12, Радовиш-6, Крушево-4, Кочани-3, Пробиштип-3, Демир Хисар-4, Берово-1,  Валандово-1, Виница-5, Делчево-3,  Свети Николе-13, Кичево-14, Ресен-2, Неготино-22. 

Денеска Институтот за јавно здравје регистрира 843 оздравени пациенти од: Скопје-279, Куманово-43, Дебар-6, Штип-42, Прилеп-32, Тетово-79, Велес-35, Битола-65, Охрид-1, Кавадарци-15, Гостивар-49, Гевгелија-14,  Струмица-39, Крива Паланка-6, Радовиш-12, Кочани-25, Пробиштип-13, Демир Хисар-6, Македонски Брод-1, Берово-6, Валандово-5, Кратово-10, Свети Николе-3, Кичево-36, Ресен-10, Неготино-11.

ЗА ФУЕРЕ БУГАРСКАТА ТАКТИКА Е НЕРАЗУМНА

Тактиката што во моментов ја користи Владата на Бугарија кон Северна Македонија е прилично неразумна и контрапродуктивна и може да има сериозни последици, не само за односите меѓу двете земји, туку и за целиот регион, и за политиката на проширување на Европската унија, смета поранешниот амбасадор на ЕУ во Скопје Ерван Фуере. 

Пристапот на бугарската влада праќа лоша порака до земјите од Западен Балкан дека и тие можат да се соочат со целосна блокада на патот кон ЕУ, вели Фуере во интервју за Бугарското национално радио. 

ЧИТАЈТЕ УШТЕ

По вчерашниот случај, кога почина пациентка на Инфективното одделение во болницата во Штип, Државниот здравствен и санитарен инспекторат, направи вонредна инспекција при што е земена целата документација за хоспитализираната пациентка.

По низата гласини дека зимскиот распуст за учениците во основните и средните училишта ќе почне на 15.декември поради актуелната криза со епидемијата на корона вирусот, голем број родители се обратија до редакцијата на Фактор за да добијат конкретни информации.

Ако сите други прекршочни глоби се намалија во изминативе неколку години, набргу драстично ќе се зголемат оние против загадувачите на животната средина, без разлика дали станува збор за граѓани или за компании. Всушност, казните за дела против животната средина ќе се зголемат за дури 20 пати во однос на досегашните.

Поради иселувањето, сѐ потешко се наоѓаат добри професори по странски јазици.

Туристичките центри на „Електрани на Северна Македонија“ се на продажба. Ова е јасно од последните најави на премиерот Зоран Заев и министерот за економија Крешник Бектеши, кои потврдија дека се бара инвеститор за ски-центарот на Попова Шапка и автокампот во Ливадиште во форма на превземање или јавно-приватно партнерство.

Најголемата винарска визба „Тиквеш“ ги намалила финансиските расходи за 70 отсто и остварила нето добивка од 586.000 евра што е за 20 отсто помалку од лани. 

Треба да е буџет на здравствена поддршка, ама и на економско закрепнување. Во државната каса за следната година сепак има пари за старо нови капитални проекти односно тие кои со години се во проекциите.

Во Собранието стаса законот за финансиска поддршка на граѓаните – предвидува на сметка да добијат по 6.000 денари граѓаните со низок доход, пензионери кои имаат до 15.000 пензија, корисници на право на социјална сигурност на стари лица, млади лица од 16 до 29 години, самохрани родители, деца без родители и родителска грижа, уметници и други лица кои вршат дејност во културата, филмски работници и естрадни уметници.