ФАКТОР НА ДЕНОТ: Груевски со пари од партијата купил плац, а денес има 12 починати од коронавирусот

Добивај вести на Viber

ГРУЕВСКИ СО ПАРИ ОД ПАРТИСКИ ДОНАЦИИ КУПИЛ ПЛАЦ

Судот му одреди 30 дена притвор на Ристо Новачевски, кум на екс премиерот Никола Груевски. 

По предлог на Јавното обвинителство за организиран криминал и корупција, Судија на претходна постапка му одреди притвор од 30 дена Ристо Новачевски заради постоење на основано сомение дека го сторил кривичното дело Перење пари и други приноси, информираа од Основниот кривичен суд.

„Судија на претходна постапка по разгледување и ценење на предлогот, како и произнесување на одбраната и обвинителството, донесе решение со кое го уважи предлогот и на Р.Н. му се определува мерка притвор во траење од 30 дена“, информираа од обвинителството.

Откако судот му одреди 30 дена притвор на Ристо Новачевски, кум на екс премиерот Никола Груевски, на Фејсбук Груевски се пожали дека ова е политички прогон и хајка. 

„Денешната истрага има иста цел како и сите претходни и е без никаква основа затоа што тврдењата се лага очигледно смислена и конструирана со цел за моја дискредитација, понатамошен прогон, дефокус на јавноста од нивното катастрофално работење, тргувањето со националниот интерес, бројните и секојдневни проневери, криминал и рекет кој го прави власта. Се што стои во објавата со која отвориле истрага е лага и неточно и еден ден се ќе им падне. Ќе останат само траумите кои ги направиле кон сите кои ги прогонуваат и сеќавањето за времето кога Македонија е држава со најголем број политички прогонувани лица во Европа заедно со лицата прогонувани со намера да се принудат да бидат средство и алатка на власта во прогонот кон политичките неистомисленици“, пишува Груевски. 

12 ЛУЃЕ ПОЧИНАА ОД КОРОНАВИРУСОТ

Министерството за здравство информира дека во последните 24 часа се направени 771 тестирања, а регистрирани се 161 нови случаи на ковид-19 во: Скопје-90, Куманово-11, Штип-2, Прилеп-6, Тетово-5, Велес-4, Кавадарци-2, Гостивар-15, Струмица-8, Крива Паланка-1, Радовиш-1, Кочани-3, Пробиштип-2, Берово-6, Валандово-1, Делчево-2, Кичево-2.

Односно, стапката на новозаболени е 20,9, што е мало намалување во однос на претходните денови.

Денеска Институтот за јавно здравје регистрира 154 оздравени пациенти од: Скопје-62, Куманово-6, Штип-4, Прилеп-6, Тетово-7, Струга-4, Велес-3, Битола-2, Охрид-3, Кавадарци-5, Гостивар-5, Гевгелија-2, Струмица-10, Радовиш-4, Кочани-12, Пробиштип-6, Пехчево-2, Берово-3, Валандово-4, Свети Николе-2, Кичево-2. 

МОЖНО Е ВРАЌАЊЕ НА ПОЛИЦИСКИОТ ЧАС

Министерот за здравство, Венко Филипче, по состанокот со членови на Комисијата за заразни болести во Владата информираше дека на утрешната седница ќе бидат предложени веќе најавените рестриктивни мерки: сите економски оператори да работат до 23 часот, автобусите да возат со 50 отсто од капацитетот, а в работените во администрацијата, општините и судовите, секаде каде што тоа е можно, да работат во смени или онлајн од дома или редуцирано по систем на ротации.

Смета дека до крајот на неделата, Собранието ќе ги изгласа изменитена Законот за заштита од населението од заразни болести со што овие мерки, но и мерките од претходниот пакет ќе стапат во сила.

БОГДАНОВИЌ ВЕЛИ ИМАЛ МАЛКУ ГОСТИ НА ВЕНЧАВКАТА

Откако беше прозван, првиот човек на Општина Центар, Саша Богдановиќ објасни дека на свадбената веселба имал мал број на гости, и дека држеле растојание. 

Тој вели дека пандемијата можеби ќе трае со години, а тоа не значи дека не треба да се се венчаат. 

„Имавме минимален број на гости, кум, старосват и минимален број на гости коишто ги познаваме“, рече Богдановиќ за Сител телевизија.

Тој се венчаше во Грачаница на Косово. 

Се бара политичка одговорност од Лидија Димова од Националната агенција. 

Вицепремиерот за борба против корупција, Љупчо Николовски денеска доставил предлог до премиерот Зоран Заев со кој бара политичка одговорност за директорката на Националната агенција, Лидија Димова, по скандалот за ненаменско тршење европски пари. Ова за Канал 5 го изјави Николовски. 

ИМА ЛИ НЕКАКОВ ДОГОВОР ЗА ДЕЛЧЕВ?

Владата денеска преку Македонската информативна агенција го оцени како шпекулација тврдењето на пратеникот Антонијо Милошоски дека е дефиниран предлогот за  идентитетската припадност на Гоце Делчев на кои би требало да се согласат премиерите Зоран Заев и Бојко Борисов пред Самитот на Берлинскиот процес во ноември.

ЧИТАЈТЕ УШТЕ

Колкав е извозниот перформанс на компаниите во домашните индустриски зони досега во оваа кризна година? Надлежните признаа дека извозот на компаниите кои се претежно со странски капитал е значајно паднат, но не ги соопштија најновите бројки.

Бањскиот здравствен-рехабилитациски систем е со сериозна финансиска неизвесност. Корона вирусот удри силно на оваа дејност и ќе треба многу време за опоравување доколку се создадат услови тие компании повторно да добијат прилика да ги нудат своите услуги и третмани на болни лица.

Ваучерите за летување дома кои ги додели државата, делумно помогнаа да се ублажи кризата во туристичкиот сектор, но следните месеци ќе бидат тешки.

Борбата со корупцијата се смета за еден од најголемите проблеми на речиси сите истражувања во изминатиот период. 

Ана Чоловиќ Лешоска: Главните елементи во нашето работење се објективноста и независноста и мислам дека токму тие се „одговорни“ за нашите досегашни успеси. 

Истовремено, пак, бројни се реакциите на сопствениците на малите бизниси, односно пекарниците, како и малите маркети кои сега работат и по 23 часот. Велат дека ако им биде ограничено работното време, дека целосно ќе пропаднат.

Македонија годината 2020 ќе ја заврши со рекордно најнизок државен буџет за наука откако Владата ја измени програмата за финансирање научно-истражувачката работа, според која годината ќе се заврши само со 65,6 милиони денари помош за оваа активност.