ФАКТОР НА ДЕНОТ: Имаме нови 445 заразени, инфицирани се Мијалков и Тарчуловски

Добивај вести на Viber

НОВ ЦРН РЕКОРД ВО МАКЕДОНИЈА

Министерството за здравство информира дека во последните 24 часа се направени 2441 тестирања, а регистрирани се 445 нови случаи на ковид-19 во: Скопје-249, Куманово-12, Штип-13, Прилеп-25, Тетово-16, Струга-7, Велес-7, Битола-14, Охрид-12, Кавадарци-3, Гостивар-12, Гевгелија-2, Струмица-36, Крива Паланка-5, Радовиш-7, Кочани-6, Пробиштип-1, Берово-2, Виница-3, Делчево-2, Свети Николе-4, Кичево-6, Ресен-1.

Денеска Институтот за јавно здравје регистрира 194 оздравени пациенти од: Скопје-77, Куманово-15, Штип-11, Прилеп-7, Тетово-11, Струга-1, Велес-1, Битола-5, Гостивар-12, Гевгелија-2, Струмица-14, Радовиш-3, Кочани-18, Пробиштип-2, Пехчево-1, Берово-5, Валандово-4, Виница-2, Свети Николе-2, Кичево-1. 

ЗАРАЗЕНИ МИЈАЛКОВ, НО И ТАРЧУЛОВСКИ

Поранешниот директор на УБК, Сашо Мијалков е заразен со Ковид-19. 

Тој и самиот веста ја потврди на Фејсбук.

И Јохан Тарчуловски од ВМРО-ДПМНЕ е заразен со коронавирусот. 

Тој на својот Фејсбук профил објави дека е позитивен на коронавирусот.

ПОЧИНА ДОКТОР НЕШКОВСКИ

Во сообраќајката која попладнево се случи на улицата „Френклин Рузвелт“ почина пулмологот Трајче Нешковски (32), кому му се слошило и со автомобилот се забил во дрво. 

Тој со Брза помош е пренесен на Ургентен центар, каде што починал. 

Докторот е од ковид тимот од Козле. 

Членови на СДСМ се простија од него. 

ОСМАНИ ТВРДИ ДЕКА НЕМА НОВ ДОГОВОР СО БУГАРИЈА

Министерот за надворешни работи Бујар Османи по посетата на Бугарија денеска објави демант на вчерашните тврдења на лидерот на ВМРО-ДПМНЕ, Христијан Мицкоски, дека соседот бара нов Договор за добрососедство по примерот на грчкиот. Шефот на македонската дипломатија објави дека утре и задутре билатералните комисии составени од историчари во рамки на Мешовитиот комитет по подолго време ќе се состанат и тоа во Скопје.

„Околу односите со Бугарија, и мојата посета, сакам да истакнам: нема нов Договор, туку има засилување на меѓусебната комуникација на повеќе нивоа. Притоа отворено разговараме за сите прашања кои произлегуваат од Договорот за пријателство; ги преземаме сите чекори за да им обезбедиме на Комисиите непречена работа, за што испративме јавна благодарност за нивниот досегашен резултат, како и охрабрување за интензивирање на нивната работа. Впрочем, Мешовитата експертска комисија веќе утре и задутре ќе одржи средба во Скопје, што ќе претставува уште еден чекор кон исполнување на обврските од договорот.“, напиша Османи на Фејсбук.

ЧИТАЈТЕ УШТЕ

Можеби не бомба, ама заминувањето на еден од долгогодишните фронтмени од таборот на социјалдемократите, како и еден од нејзините потпретседатели, Дамјан Манчевски, вчера и тоа како посеа бројни прашалници во политичката јавност.

Владата има сериозен проблем, а тој е како да го реши прашањето со штедачите од Еуростандард банка, чии штедни влогови беа над 30.000 евра, колку што законски обештетуваше Фондот за осигурување на депозити, така што голем дел од остатокот од парите им останаа заробени во банката која отиде во стечај. 

Во земјава лани имало седум компании кои се занимаваат со продажба на обувки во специјализирани продавници, а направиле приход поголем од еден милион евра. Гигантите за продажба на обувки во специјализирани продавници (брендирани обувки) лани генерирале кумулативен приход поголем од 32 милиони евра!!!

Измените и дополнувањата на Законот за заштита на населението од заразни болести кои ќе се носат по скратена постапка, веќе е во собраниска процедура, а во следниот период ќе се најде пред соодветните собраниски комисии, па потоа и на пленарна седница на Собранието за да биде изгласан од пратениците. 

Владата ќе подготвува терен за продажба на Пошта. Откако стана јасно дека и нема спас и дека некогашната златна кокошка тоне во загуби, сега ќе се прави физибилити студија за да се види кои се можностите за друштвото. Во игра е целосна продажба односно приватизација или преземање на компанијата со јавно приватно партнерство.