ФАКТОР НА ДЕНОТ: Исмаиловиќ е уапсен, а бројката на заразени од вирусот повторно над 1.000

Добивај вести на Viber

АГИМ ИСМАИЛОВИЌ Е УАПСЕН

Полицијата го пронајде и го спроведе во затворот во Шутка, Агим Исмаиловиќ, еден од обвинетите за случајот „Монструм“.

Одреден му е притвор во траење од 30 дена. 

Тој утринава се појави во Кривичен суд. Обвинителката Фатиме Фетаи побара притвор за него и за Фејзи Азири затоа што постапката е при крај. Но, пред да одлучи кривичниот совет Исмаиловиќ ја напуштил судската зграда. Во притвор оди и Азири.

Исмаиловиќ е еден од петтемина обвинети за петкратното убиство што се случи на 12 април 2012 кај Смилковско езеро. Сите беа осудени на доживотен затвор, но врховниот суд во декември 2017 година ја укина пресудата, а случајот „Монструм“ потоа го презеде СЈО и судењето почна од почеток. 

ДЕНЕС НАД 1.000 ЗАРАЗЕНИ

Министерството за здравство информира дека во последните 24 часа се направени 3096 тестирања, а регистрирани се 1064 нови случаи на ковид-19 во: Скопје-541, Куманово-57,  Дебар-4, Штип-46, Прилеп-24, Тетово-57, Струга-23, Велес-44, Битола-43, Охрид-33, Кавадарци-25, Гостивар-12, Гевгелија-11, Струмица-23, Крива Паланка-8, Радовиш-12, Крушево-2, Кочани-10, Пробиштип-4, Демир Хисар-2, Македонски Брод- 4, Пехчево-7, Берово-3,  Валандово-3, Виница-3, Делчево-3, Кратово-2, Свети Николе-17, Кичево-25, Ресен-6, Неготино-10. 

Денеска Институтот за јавно здравје регистрира 507 оздравени пациенти од: Скопје-163, Куманово-36, Дебар-4, Штип-19, Прилеп-30, Тетово-30, Струга-16, Велес-39, Битола-20, Охрид-21, Кавадарци-17, Гостивар-15, Гевгелија-9, Струмица-24, Крива Паланка-2, Радовиш-2, Крушево-1, Кочани-17, Пробиштип-8, Демир Хисар-1, Македонски Брод-1, Берово-2, Валандово-3, Виница-5, Кратово-2, Свети Николе-6, Кичево-9, Ресен-3, Неготино-2.

НА НАДЗОРНА РАСПРАВА СЕ ЗБОРУВАШЕ ЗА „ЕУРОСТАНДАРД БАНКА“

Одземањето на дозвола за работа на банка е една од најтешките одлуки за секоја централна банка, изјави денеска гувернерката на Народната банка, Анита Ангеловска-Бежоска на Надзорната расправа во Собранието.

Вели дека пред да се посегне кон ваква одлука се вложуваат максимални напори за изнаоѓање на поповолно решение. 

„Но, од друга страна, централните банки не смеат да дозволат банка да работи спротивно на законските прописи доведувајки ја во прашање стабилноста на  финансиски систем. По исцрпување на сите можности,  дозволата за работа на „Еуростандард банка“ беше одземена заради констатирана несолвентност“, вели таа. 

И бизнисменот Трифун Костовски, сопственик на пропаднатата Еуростандард банка, беше денеска на надзорната расправа во Собранието за утврдување на причините кои доведоа до стечајот врз Еуростандард банка. 

ЛЕКАР ПОЧИНА ОД КОРОНАВИРУС

Уште еден лекар почина од компликациите на корона вирусот. 49-годишниот интернист од Куманово, Шкури Фазлији од Куманово почина на Клиниката за инфективни болести, само три дена откако бил донесен со тешка форма на болеста.

ЧИТАЈТЕ УШТЕ

Онлајн наставата која се одвива на речиси сите факултети, ги секна парите за плати на вработените во државните студенстки домови.

Големиот бран на пациенти заразени со корона вирусот на кои им е потребно болничко лекување силно го опотовари целиот здравствен систем во Македонија. 

Тони Стојановски, коментаторот кој предизвика катарза во јавноста со својот говор на синоќешниот натпревар помеѓу Грузија и Северна Македонија, по кој нашата фудбалска репрезентација за прв пат во историјата се пласираше на Европското првенство, за „Фактор“ вели дека тоа што го искажал не било однапред подготвено и било кажано од срце.

Основното јавно обвинителство за гонење на организиран криминал и корупција врши проверки и прибира документација која ќе помогне при утврдување на фактите и расветлување на случајот, велат оттаму за Фактор откако денеска Министерството за внатрепни работи влезе во веледрогеријата Пановски по наредба на обвинителството. 

Дали знаевте дека 29 струмички фирми кои имале кредити во Еуростандард банка, од кои едната е Сараинжинеринг, на Вице Заев, брат на премиерот Зоран Заев, и други, дека со години не ги плаќале кредитите земени од банката. Веќе од 22 мај Народна банка имала секојдневен надзор на банката, и дали сте знаеле дека овие 29 струмички фирми, со невраќање на кредитите, ќариле 13 милиони евра. Зошто тоа сте го дозволиле и дали сте биле навреме информирани, праша Милошоски.

Приходите на трите хотели на компанијата „Хотели Метропол“ за првите девет месеци се само 32 отсто од прихдите кои за истиот период биле генерирани лани. Еве што е резултатот на „корона вирусот“ врз работата на најголемата охридска хотелска компанија. До крајот на септември друштвото е во загуба од 442.000 евра

Економски исправно, или начин да се легализираат пари стекнати на црно. Економските аналитичари сметаат дека е потребна детална анализа пред да се спроведе законско внесување на милијарди евра во легалниот финансиски систем на земјава, проект кој го најавува премиерот Зоран Заев.

Приходите од продажба на „Бетон“ на домашниот пазар за првите девет месеци годинава достигнаа 19,45 милиони евра и се за 51 отсто повисоки од истиот период лани. Оперативната добивка е 516.000 евра, но заради финансиските расходи (кои се пониски за 13 отсто од лани) изнесуваат 466.000 евра добивката е 143.000 евра