ФАКТОР НА ДЕНОТ: Казните од „Безбеден град“ официјално ќе почнат од 1 февруари

Добивај вести на Viber

КАЗНИТЕ ОД „БЕЗБЕДЕН ГРАД“ СТАРТУВААТ ОД ФЕВРУАРИ

Безбеден град ќе започне да функционира од 1 февруари 2026 година на територија на Скопје, Тетово и Куманово, како и долж коридорите 8 и 10, потврди МВР за МИА.

За прекршоците регистрирани преку системот „Безбеден град“, Министерството за внатрешни работи (МВР) на сопственикот на возилото со кое е направен сообраќајниот прекршок испраќа СМС порака и е-пошта на контактите дадени при регистрација. Во пораката ќе има линк за преземање на записникот за прекршок и прекршочниот платен налог.

НЕПРАВИЛНОСТИ ВО РАБОТЕЊЕТО НА ЗДРАВСТВЕНИТЕ УСТАНОВИ

Кај 14 јавни здравствени установи од кои две во Скопје се утврдени неправилности во работењето, покажала вонредната контрола на работењето и финансиското управување на службите за Итна помош и на Домашна посета на целата територија на државата, што ја спроведе Фондот за здравствено осигурување.

- Од 37 јавни здравствени установи од кои 29 надвор од Скопје и осум во подрачјето на Скопје, кај 23 ЈЗУ не се установени недостатоци во работењето. Во дел од установите се пронајдени недостатоци. Очигледно со проблеми се 14 установи од кои две се во Скопје, а 12 се надвор од Скопје. Седум установи немале одобренија односно не постои согласност за ценовниците што ги наплаќаат кон пациентите. Значи сите ЈЗУ имаат ценовници, но тие ги одобрува ФЗО и Министерството за здравство. Тие установи функционирале со нивни интерни ценовници. Не тврдам дека тие се или не се на штета на пациентите, само кажувам дека не се одобрени. Кај две ЈЗУ е установено дека кон нас неправилно фактурирале услуги, а други две ЈЗУ наплаќале услуги од пациентите кои не смееле да ги наплаќаат, изјави денеска генералниот директор на ФЗО, Сашо Клековски.

MAЛ АВИОН ПАДНА ВО МАВРОВСКОТО ЕЗЕРО

Мал авион се урна во Мавровско Езеро. Во авионот имало две лица, од кои едното е повредено, информираат од Центарот за управување со кризи (ЦУК).

- Инцидентот бил пријавен на број 112, а информацијата веднаш е проследена од страна на ЦУК до СВР-Тетово, Итната медицинска помош (ИМП) и Регионалниот центар за управување со кризи (РЦУК-Тетово) за итна интервенција - соопшти ЦУК.

Премиерот Христијан Мицкоски денеска ги потврди гласините - во понеделник на 15 декември се затвора трезорот за буџетски плаќања. 

Ова се прави за прв пат во модерната историја на земјата уште на средина на еден месец за да се подобри неликвидноста со исплатите на државните институции.

Веќе имаше бројни реакции во јавноста дека се доцни со исплата на плати во дел од јавниот сектор и со исплата на социјална и државна помош по различни основи.

ЧИТАЈТЕ УШТЕ

Во иднина ќе може да се заземе имот од сопствениците поради изведување на активности на парцелата за градење на линиски инфраструктруни градби. Ова е предвидено со измените на Законот за експропријација, на предлог на двајца пратеници Петар Ристески и Тони Јаревски од редовите на владејачката партија.

Конзорциум предводен од хрватскиот производител на опрема за пренос на електрична енергија „Далековод“ потпиша договор вреден 19,7 милиони евра  со МЕПСО, националниот оператор за пренос на електрична енергија, за изградба на 400 kV далновод кој историски се гради 10 години и треба да не поврзе со Албанија заради стабилно стратешко енергетско снабдување.

Старо-новиот градоначалник на Куманово и лидер на Движењето ЗНАМ, Максим Димитриевски вчера до Антикорупциската комисија го достави новиот анкетен лист, како должност со стапувањето на функцијата градоначалник во нов мандат.

Сигурно во изминатиот период сте слушнале шпекулации дека Netflix би можел да постигне договор со управата на Warner Bros. Discovery (WBD) за преземање на компанијата, што би значело и промена на сопствеништвото на стриминг-платформата HBO Max.