ФАКТОР НА ДЕНОТ: Кривични за забавите во Охрид,

Добивај вести на Viber

ПОДНЕСЕНИ КРИВИЧНИ ПРИЈАВИ ЗА ЖУРКИТЕ НА ГРАДИШТЕ

Поднесени се 2 кривични пријави за забавите организирани на Градиште, на плажите 2 и 3, пренесува  „Слободен печат“.

Во Охрид само петмина пазарни инспектори работат да ги казнат оние што не ги почитуваат протоколите, а на помош викендов им дошле и колегите од Скопје и од Гостивар.

Во овој продолжен викенд, заедно со колегите од Скопје и од одделението во Гостивар, со петнаесет инспектори направени се 75 надзори во 2 дена. На подрачјето на Охрид имаме 2 кривични пријави по членот 206 од Кривичниот Законик конркетно за журки во Градиште, на плажите два и три. На подрачјето на Струга во кафуле покрај Дрим постапивме, но наидовме на попречување па полицијата се вмеша во случајот и се преземаат дополнителни мерки, велат од Пазарниот инспекторат одделение Охрид, за „Слободен печат“.

НОВИ 74 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 689 тестирања, а регистрирани се 74 нови случаи на ковид-19 во: Скопје-14, Куманово-8, Штип-13, Струга-1, Кавадарци-3, Гостивар-22, Кочани-1, Берово-3, Виница-4, Свети Николе-3, Кичево-2.

Денеска Институтот за јавно здравје регистрира 90 оздравени пациенти од: Скопје-23, Куманово-1, Дебар-1, Штип-11, Тетово-17, Велес-1, Охрид-1, Кавадарци-3, Гостивар-9, Радовиш-5, Кочани-1, Свети Николе-17.

ПОТРАГАТА ПО МОМЧЕТО ВО ПРЕСПАНСКОТО ЕЗЕРО ПРОДОЛЖУВА УТРЕ 

Запрена е потрагата по исчезнатото момче во Преспанско езеро поради временските услови. 

Скоро 24 часа траеше потрагата по16-годишното момче. 

Засега потрагата е прекината поради влошените временски услови со ветер и бранови, јави Сител.

Потрагата ќе породолжи утре со засолување од единицата за специјални задачи. 

По момчето трагаа нуркачи од повеќе градови  од Македонија, како и полициски специјалци.

УТРЕ ЌЕ СЕ ОДРЖИ КОНСТИТУТИВНАТА СЕДНИЦА

Конститутивната седница на новиот парламентарен состав ќе се одржи утре напладне. 

Таа ќе биде под посебни протоколи поради коронавирусот и тоа во салата под Големата купола наместо во салата „Македонија“. 

Седницата ќе се одвива според протоколи и критериуми, што се утврдени во претходна координација со претседателот на Комисијата за заразни болести, д-р Жарко Караџовски, за да се намали ризикот од евентуално ширење на заразата од коронавирусот.

На пратениците, на гостите и на претставниците на медиумите при влезот во зградата на Собранието ќе им биде мерена телесна температура, по што ќе им биде овозможено да влезат во зградата. 

На сите влезови ќе има средства за дезинфекција. На крајот на денот ќе се дезинфицираат и сите простории во кои имало активности.