ФАКТОР НА ДЕНОТ: Кризна состојба во Македонија, денес нови 1.237 заразени со коронавирусот

Добивај вести на Viber

МАКЕДОНИЈА Е ВО КРИЗНА СОСТОЈБА

Донесена е Одлука за постоење на кризна состојба во траење од 30 дена, почнувајќи од денеска. 

Владата  на денешната 23-та седница донесе Одлука за постоење на кризна состојба на територијата на Република Северна Македонија, заради заштита на јавното здравје во услови на постоење на пандемија прогласена од Светската здравствена организација од заразната болест КОВИД-19 предизвикана од вирусот САРС-КоВ-2 и заради спречување од негово ширење.

„Ова е на предлог на Управувачкиот комитет за координација и управување со системот за управување со кризи, по претходен предлог на Групата за процена. Претходно на седница, Советот за безбедност препорача прогласување кризна состојба на целата територија на Република Северна Македонија, со цел ефикасно справување со последиците од кризата заради корона-кризата. Периодот за постоење на кризна состојба на територија на Северна Македонија е во траење од 30 дена, почнувајќи од 20 ноември 2020 година и за оваа Одлука Владата ќе го извести Претседателот на Република Северна Македонија и Собранието“, соопштија од Владата. 

НОВИ 1.237 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 3200 тестирања, а регистрирани се 1237 нови случаи на ковид-19 во: Скопје-506, Куманово-34,  Штип-55, Прилеп-91, Тетово-51, Струга-31, Велес-67, Битола-30, Охрид-26, Кавадарци-31, Гостивар-75, Гевгелија-23, Струмица-38, Крива Паланка-8, Радовиш-11, Крушево-12, Кочани-15, Пробиштип-3, Демир Хисар-7, Македонски Брод-4, Берово-1,  Валандово-6, Виница-3, Делчево-2, Кратово-5,  Свети Николе-24, Кичево-36, Ресен-13, Неготино-29. 

Денеска Институтот за јавно здравје регистрира 748 оздравени пациенти од: Скопје-284, Куманово-49, Штип-32, Прилеп-61, Тетово-69, Струга-5, Велес-51, Битола-28, Охрид-13, Кавадарци-14, Гостивар-35, Гевгелија-12,  Струмица-25, Крива Паланка-7, Радовиш-8, Крушево-1, Кочани-15, Пробиштип-8, Демир Хисар-1, Македонски Брод-3, Берово-4, Валандово-3, Делчево-5, Свети Николе-8, Кичево-1, Ресен-1, Неготино-5.

ПОСТОИ ИДЕЈА ДА СЕ ДОЗВОЛИ КОНСУМАЦИЈА НА МАРИХУАНА ВО КАФУЛИЊАTA

„Ќе правиме ли Амстердам од Скопје?“, му рекол новинарот на Дојче Веле на премиерот ЗОран Заев во новото интервју, на што Зоран Заев одговорил „Зошто да не!“

„Целта е токму тоа. Да биде контролирано како во Амстердам и многу други градови во светот“. Идејата е да се даде можност во туристичките места, вклучително и Скопје, кафулињата постојни и нови, со почитување на одредени стандарди- вентилација, доказ за потекло на марихуаната и сл., да се овозможи консумација на марихуана внатре во нив“, вели премиерот. 

ДИМИТРОВ ВЕЛИ ЌЕ СЕ СВРТАТ КОН ПРИЈАТЕЛСКИТЕ ДРЖАВИ ВО УНИЈАТА

Денот кога Бугарија стави вето за почеток на пристапните преговори на ЕУ со Северна Македонија не беше добар, ниту за Европа, ниту за европската перспектива на нашиот регион, а особено не за нас, рече вицепремиерот за европски прашања Никола Димитров во интервју за виенскиот весник „Стандард“.

ЧИТАЈТЕ УШТЕ

Во повеќето македонски библиотеки бројот на читатели е зголемен во период додека светот и земјава се бори со пандемијата на коронавирусот.

Владата на последната седница во вторникот донела одлука за одобрување на исплата од 6 милиони денари за Спортскиот центар „Борис Трајковски“, а директорот Александар Петровски вели дека се тоа пара со кои ќе треба да се исплатат помеѓу две и три плати за вработените.

Ќе нема нов закон со кој неделата би се прогласила за неработен ден, туку ќе има соодветни измени во Законот за работни односи, тврдат за Фактор владини извори. Односно, ќе се направат измени на ЗРО, со кои ќе се утврди дека неделата се прогласува за неработен ден, освен ако со друг закон не е одредено поинаку.

Ѕинго беше прв човек на „Силекс“ четириесет години, во континуитет. Холдингот „Силекс“ го остави со добивка поголема од половина милион евра на крајот од третиот квартал годинава

Во моменти кога сметавме дека надворешните проблеми и отворените прашања со соседите се решени за конечно да ја трансформираме општествената енергија со јасен пат во евроатлантските институции, повторно сме блокирани.