ФАКТОР НА ДЕНОТ: Maкедонија регистрира скоро 600 заразени, во соседството почнува вакцинирањето

Добивај вести на Viber

ДЕНЕС МАКЕДОНИЈА ИМА СКОРО 600 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 2206 тестирања, а регистрирани се 592 нови случаи на ковид-19 во: Скопје-259, Куманово-31, Дебар-7, Штип-8, Прилеп-30, Тетово-18, Струга-21, Велес-17, Битола-24, Охрид-28, Кавадарци-35, Гостивар-21, Гевгелија-8, Струмица-12, Крива Паланка-9, Радовиш-5, Кочани-7, Пробиштип-1, Демир Хисар-1, Македонски Брод-1, Пехчево-1, Берово-2, Валандово-3, Виница-4, Делчево-4, Кратово-1, Свети Николе-5, Кичево-10, Ресен-7, Неготино-12. 

Денеска Институтот за јавно здравје регистрира 691 оздравени пациенти од: Скопје-245, Куманово-26, Штип-28, Прилеп-76,  Тетово-23,  Струга-12, Велес-23, Битола-47, Охрид-13, Кавадарци-25, Гостивар-29, Гевгелија-17, Струмица-19, Крива Паланка-2, Радовиш-5, Кочани-13, Пробиштип-2, Демир Хисар-2, Македонски Брод-5, Пехчево-1, Берово-16, Валандово-1, Виница-2, Делчево-12, Кратово-4, Свети Николе-7, Кичево-11, Ресен-7 и Неготино-18.

НОВА ПРОВОКАЦИЈА ОД КАРАКАЧАНОВ

Бугарскиот вицепремиер Красимир Каракачанов во своето последно телевизиско гостување излезе со нова провокативна изјава, алудирајќи на тоа дека Македонија е таа која ги присвојува историските личности за севе.

- Потпишавме договор пред 3 години, тој не се запазува. Не знам дали знаете дека дури и Исус Христос е Македонец. Скопските политичари мораат да ја градат својата историја врз основа на автентични факти од нивната историја, рече министерот за одбрана во интервјуто за бугарската национална телевизија.

НОВА НАДЕЖ ЗА БОЛНИТЕ ОД КОВИД

Лекот кој се смета за голема надеж и како ефикасен за лекување на болни од коронавирусот, Ивермектин, добил зелено светло од Комисијата за заразни болести. Официјалниот документ се очекува денеска да стигне во Агенцијата за лекови.

Оваа информација за неколку медиуми ја потврдил и директорот на Агенцијата за лекови, МАЛМЕД, Лирим Шабани.

СРБИТЕ ПОЧНУВААТ СО ВАКЦИНАЦИЈА

Министерката за труд, лекарка и член на Кризниот штаб за борба против коронавирусот во Србија, д-р. Дарија Кисиќ Тепавчевиќ денеска ќе ја прими вакцината „Фајзер“.

Таа за српските медиуми изјави дека се чувствува горда затоа што Србија успеала да ја добие вакцината меѓу првите во светот.

Русите направија нешто посебно, вели српскиот инфектолог Ана Глигиќ во интервју за РТС. 

Имунизацијата против Ковид-19 во Хрватска ќе почне во недела на 27.декември, истовремено со започнувањето на вакцинацијата и во останатите земји на ЕУ. Според премиерот Андреј Пленковиќ, првите кои ќе ја примат вакцината на Факзер и Бионтек ќе бидат штитениците во домовите за стари лица, како и здравствените работници.

ПОЧНУВА СУДЕЊЕТО НА БОНЕВА

Денес започна судскиот процес што го води обвинителството против Силвана Бонева за фамозното фиктивно прикажување на патните трошоци како поранешна пратеничка. Таа го отфрла обвинението како невистинито и паушално.

„Во овој судски процес со приложените 6967 докази и 28 сведоци, ќе докажам и пред судот и пред јавноста дека обвинението поднесено против мене е невистинито и паушално, исто како што беа и големите лаги дека сум била рекордер во земањето на патни трошоци, големата лага дека сум купила станови со криминални пари и медиумскиот линч што со години беше спроведуван врз мене, врз основа на тие лаги“, напиша Бонева на Фејсбук.