ФАКТОР НА ДЕНОТ: Македонија се пласираше на Европското фудбалско првенство, идната недела пак ќе се разговара за нови рестрикции

И ДЕНЕС ВИСОКА БРОЈКА НА ЗАРАЗЕНИ

Министерството за здравство информира дека во последните 24 часа се направени 3315 тестирања, а регистрирани се 1295 нови случаи на ковид-19 во: Скопје-539, Куманово-55,  Дебар-3, Штип-36, Прилеп-92, Тетово-83, Струга-35, Велес-40, Битола-50, Охрид-26, Кавадарци-34, Гостивар-72, Гевгелија-24, Струмица-23, Крива Паланка-7, Радовиш-3, Крушево-3, Кочани-32, Пробиштип-7, Демир Хисар-16, Пехчево-2, Берово-11,  Виница-7, Делчево-5, Кратово-6, Свети Николе-13, Кичево-40, Ресен-13, Неготино-18. 

Денеска Институтот за јавно здравје регистрира 429 оздравени пациенти од: Скопје-190, Куманово-25, Штип-18, Прилеп-40, Тетово-30, Струга-1, Велес-26, Битола-11, Кавадарци-12, Гостивар-14, Гевгелија-13, Струмица-23, Крива Паланка-1, Крушево-1, Кочани-8, Пробиштип-1, Демир Хисар-1, Берово-1, Свети Николе-3, Кичево-4, Ресен-1, Неготино-5.

ЗАЕВ ВЕЛИ ЗА НЕКОИ РАБОТИ НЕ СЕ ПРЕГОВАРА

Има работи за кои никаде во светот не се преговара, ниту пак кај нас ќе се преговара, изјави премиерот Зоран Заев. 

Вели дека тоа бугарската страна не го сфаќа. 

ЧИТАЈТЕ УШТЕ

Министерот за здравство, Венко Филипче, кој денеска присуствуваше на предавањето на воено санитетските возила од страна на АРМ, со што се засилува јавното здравство во борбата против епидемијата, изјави дека во последниве неколку дена целиот здравствен систем е под силен притисок и дека ситуацијата е критична.

Повеќе институции предводени од Министерството за надворешни работи ќе треба да направат план со кој и функционално ќе ја реорганизираат економската дипломатија. Владата веќе ги даде задолженијата, останува работата да се спроведе на терен.

Бројот на активни случаи на корона вирусот денеска ќе надмине 16.000. Загрижувачка е дневната бројка на новозаразени пациенти, но тоа што е алрамнатно, и создава огромен страв меѓу граѓаните е високиот број на починати пациенти. 

Новина на Македонската берза за хартии од вредност. Од вчера Берзата излезе со еден интересен список, или таканаечената „листа на набљудување“. Засега на неа се најдоа девет компании, но како што за Фактор велат од Берзата, тоа е жива материја, па некои можеби набргу ќе излезат, а други ќe влезат во неа.

„Жито Лукс“ одржал исто ниво на приходи како и лани, исто ниво на извоз, а благодарејќи на деловната политика со која менаџментот ги скратил финансиските расходи за повеќе од 20 отсто односно за 57.000 евра, компанијата на крај на септември е во добивка три пати поголема од лани!

Агенцијата за електронски комуникации (АЕК) наскоро ќе распише тендер за избор на компанија која ќе изработи физибилити студија за влијанието на 5Г мрежата врз здравјето на луѓето. 5Г мрежата, освен што низ социјалните медиуми се „промовира“ како штетна за граѓаните е и лајтмотив на најразлични теории на заговор за контрола на населението.

Расте минималната потрошувачка кошничка во земјава, при што таа не може да биде покриена ниту со две минимални плати кои се движат околу 15.000 денари, ниту со една просечна македонска плата која е нешто над 27.000 денари.

Дејан Павлески, новиот директор на Агенцијата за странски инвестиции и промоција на извозот, кој како вршител на должност го назначи Владата, вели дека „Кафе ди Артисан“ инвестицијата на светскиот гуру за течно кафе во капсули, Шанкар Шарма, наскоро треба да запоне со работа во Куманово, а истовремено до сега контактирал со пет други потенцијални инвеститори.