ФАКТОР НА ДЕНОТ: Македонскиот БДП падна за 12.7 отсто, денес имаме 6 жртви и 37 позитивни

ВМРО-ДПМНЕ ИЗЛЕГУВА НА ПРОТЕСТИ

Христијан Мицкоски, претседателот на ВМРО-ДПМНЕ, в среда најави протести пред Регулаторната комисија за енергетика поради поскапувањето на електричната енергија од август. Тој рече дека незадоволство ќе биде изразено и против задолжувањето и како што вели тој, неможноста на власта да се справи со економските последици од кроона-кризата. Маршот ќе тргне од Министерството за правда во 11 часот, а ќе заврши пред РКЕ, затоа што, како што вели Мицкоски, сметките за поскапа струја не оштетуваат сите.

„Државата влегува во должничко сценарио и влегуваме веќе во рецесија. Имаме богата влада, но сиромашен народ. Потрошија една милијарда евра, а резултатите се нагативни. Денес имаме историски најлош пад на БДП кој го немаше ниту во времето на конфликтот. Таа милијарда се стави в џеб и мафијата купуваше гласови, рече Мицкоски.

И уште нешто, да нема изговор од Владата и мафијата на Заев дека пари во буџетот нема. Пари има, ама тие не одат кај народот. Пари има затоа што потрошија 1 милијарда евра на поткуп, трошат над 8 милиони евра за возила, трошат за колачи и тендери за вафли додека народот живее на вересија. Им пропадна банка од 200 милиони евра и око не им трепнува. Обезбедуваат повластена тарифа за универзалниот снабдувач на струја и екстра тендери на струмичка агеција за обезбедување за што се сомневаме дека испумпуваат пари додека сто илјади граѓани живеат со помалку од 50 денари дневно. Ете затоа протестираме, а пари има и цената на струјата мора да се врати по старо“, рече Мицкоски.

ПРЕТСТАВКА ЗА СУДИЈКАТА ЕЛЕНА ИЛИЈЕВСКА ЈОСИФОВИЌ

Наташа Димитриевска, сопругата на Гоце Димитриевски кој го загуби животот по сообраќајката што во 2018 година се случи кај „Млечен“ во Скопје, поднесе претставка до Судскиот совет против судијката Елена Илиевска Јосифовиќ, поради пристрасност.

ЧИТАЈТЕ УШТЕ

Најголема приватна клиничка болница е „Аџибадем Систина“, а лани најпрофитабилна била клиниката „Жан Митрев“. Во најголемите пет лани се и центарот за дијализи „Дијамед Македонија“, првата приватна општа болница „Ре-медика“ и специјалистите за ин-витро оплодување „Плодност“ од Битола.

Стопанска банка а.д. Битола ќе им понуди на своите клиенти ново одложување на кредитните рати. Банката ќе им излезе во пресрет на сите кои имаат финансиски проблеми предизвикани од ковид кризата и веќе креирала понуда за клиентите. 

Хотелиерите очекуваат дека повеќе од 50 отсто од капацитетите во септември ќе им бидат полни, но сепак им фалат меѓународните семинари кои претходните години носеа голем број гости.

Бесим Кока од ДУИ е најсериозен кандидат за иден директор на државната компанија за пренос на електрична енергија МЕПСО. Кока моментално е финансиски директор на Здравствен дом - Скопје, а во здравствените институции е речеиси две децении. 

По извршена контрола на угостителски објекти во Тетово, Пазарниот инспекторат го затвори кафулето Шенде Вере за пречекорување на работното време.

Како што и се очекуваше, домашната економија падна силно во  вториот квартал од годинава. Минусот изнесува дури 12,7 отсто, јавува Државниот завод за статистика.

Во услови на епидемија корисниците почнаа да користат многу повеќе интернет, ги сменија навиките.