ФАКТОР НА ДЕНОТ: Maкедонскиот зелен ковид пасош ќе биде готов идната недела, Мијалков останува во притвор

Добивај вести на Viber

ЗЕЛЕН КОВИД ПАСОШ ОД ИДНАТА НЕДЕЛА

Во текот на следната недела ќе биде готов дигиталниот грин-пас, а министерот за здравство, венко Филипче, при денешниот настан донација на 72.000 брзи тестови од страна на Германија, детално објасни кои податоци ќе ги содржи и како ќе се користи. Според него, во моментов не може да се каже дали во европските земји ќе може да патуваат и вакцинираните со руската вакцина Спутник V или кинската Синофарм.

-Каква ќе биде политиката на земјите членки на ЕУ или на секоја од земјите поединечно во рамки на ЕУ, надвор од Унијата или ширум светот сега е тешко да се каже. Имаме некои најави, некои информации, некои од ставовите на земјите се менуваат. Но, она што во овој момент можам да го кажам, нашиот грин-пас кој што го спремаме ќе биде готов следната недела.

МИЈАЛКОВ ОСТАНУВА ВО ПРИТВОР

Сашо Мијалков останува во притвор во затворот Шутка. Основниот кривичен суд соопшти дека дека Судскиот совет одлучил да ја отфрли препораката на Обвинителството за поранешниот началник на тајната полиција Сашо Мијалков. 

Инаку, Јавното обвинителство вчера препорача Мијалков да се брани на слобода во случајот „Трезор“, откако тој понуди гаранција од околу 10,8 милиони евра.Според судот, Мијалков би можел да избега,а  веќе има и првостепени пресуди по други предмети.

КЕРИМ И БОЖИНОВСКА ЌЕ ГО СОВЕТУВААТ ОСМАНИ

Јавноста денеска е во најмала рака изненадена од одредени имиња кои ќе го советуваат министерот за надворешна политика Бујар Осмнани, за надворешната политика на земјава. 

Меѓу овие личности, се појавува и името на Срѓан Керим, поранешен дипломат, кој, меѓу другото, е еден од двајцата осомничени во случајот на СЈО за пропаднатата Медиа принт Македонија. 

Валентина Божиновска, пак, е позната по тоа што после изборите 2016 година, рече дека тоа ќе биде „вечер на ножевите“.

ЗА 24 ЧАСА ИМА 50 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје:

Во последните 24 часа се направени 2.533 тестирања, а регистрирани се 50 нови случаи на КОВИД-19 во:

Скопје – 26, Битола – 7, Куманово – 6, Прилеп, Охрид и Струга – по 2, Гостивар, Кочани, Дебар, Виница и Кратово – по 1.

Регистрирани се 133 оздравени пациенти од:

Скопје – 58, Куманово и Прилеп  –  по 10, Виница – 8, Струмица – 6, Охрид, Штип и Радовиш – по 5, Велес – 4, Гостивар, Кичево и Свети Николе – по 3, Битола, Кочани и Кавадарци – по 2, Струга, Тетово, Ресен, Пробиштип, Богданци, Демир Хисар и Демир Капија – по 1 .

НЕВРЕМЕ ГО ЗАФАТИ СКОПЈЕ

Силно невреме го зафати главниот град на државата, особено во централното градско подрачје. 

Покрај силниот дожд и јаките грмотевици, паѓаше и силен град со големуина на лешник. 

ЧИТАЈТЕ УШТЕ

Податоците на Министерството за труд и социјална политика покажуваат дека во државата има 296 бездомници, при што најголем дел од нив се од Скопје.

Аптекарството е бизнис во кој жените целосно доминираат, а имаше ѕвездена година! Корона кризата беше силен катализатор за раст на приходите и во најголема мерка за солидни печалби на крај на 2020 година.

Најновата листа на државни должници, која се однесува на периодот заклучно со март годинава, можеби и не би се разликувала многу од другите списоци, со секогаш добро познатите борчлии, доколку овој пат во „топ должничката десетка“ не избиеше една голема и моќна државна компанија, а таа е акционерското друштво за производство на струја, односно Електрани на Македонија.

Управата за јавни приходи склучила договор со приватната Агенција за вработување Партнер, нов договор вреден речиси 440.000 евра. Станува збор за договор чија реализација започнува овој мај, а рамковно важи до крајот на следната година. 

Државата повторно вложи во државната компанија Национални енергетски ресури (НЕР), овој пат 2,27 милиони евра преку деветтата емисија на акции како единствен акционер во фирмата која го стопанисува националниот гасовод. На претходната емисија пред три месеци беа купени акции за 162.000 евра преку осмата емисија.