ФАКТОР НА ДЕНОТ: Нема карантин за Тетово, но наeсен можни се ограничувања за невакцинираните граѓани

Добивај вести на Viber

НАЕСЕН МОЖНИ СЕ РЕСТРИКЦИИ ЗА НЕВАКЦИНИРАНИТЕ

Министерот за здравство, Венко Филипче  денеска рече дека сериозно размислуваат за евентуални рестриктивни мерки за настани на кои има масовни присуства без разлика дали се на отворено или затворено, и како што рече присуство на такви настани би било овозможено само со сертификат за вакцина против корона вирусот.

-Гледајќи дека нема повеќе интерес за вакцинација преку електронскиот систем, овозможивме вакцинација и без закажување термини. До крајот на јули ќе има околу 500.000 граѓани кои ќе бидат вакцинирани со една доза, и уште толку ревакцинирани, но апсолутно сметам дека тоа не е доволно, посебно со појавата на новите соеви. Ги користиме сите механизми за да го зголемиме интересот, здравствените работници вложуваат огромна енергија. Мора граѓаните да сфатат дека вакцинацијата е единствениот излез. Дозволете да констатирам, веќе размислуваме и за други алетрантивнио решенија од есен. На пример да се присуствува на настан со масовно присуство, дали на отворено, дали во затворено, дали во кино, дали културен настан, дали други објекти, само со таков сертификат за вакцинација, истакна министерот Филипче.

ДЕНЕС ИМА 18 ЗАРАЗЕНИ

Министерството за здравство информира, согласно податоците од Институтот за јавно здравје:

Во последните 24 часа се направени 2.798 тестирања, а регистрирани се 18 нови случаи на КОВИД-19:

Скопје – 11 , Тетово – 6 и Свети Николе – 1.

Регистрирани сe 7 оздравени пациенти од: Скопје – 3, Битола, Струмица , Кичево и Берово – по 1.

Теренската вакцинација утре (четврток) 15.07.21 ќе се одвива во следните населени места:

Делчево – Тодоровци

Тетово – Порој, Џепчиште, Ѓермо, Теарце, Пршовце, Глоѓи, Слатина, Лешок, Непроштено

ФИЛИПЧЕ ДАДЕ ОБЈАСНУВАЊЕ ЗА ЖЕНАТА КОЈА БЕШЕ ВАКЦИНИРАНА ВО ПРИКОЛКА

Министерот Венко Филипче попладнево на твитер се обиде да објасни како настанала фотографијата на која медицински сестри вакцинираат повозрасна жена во дрвена приколка при теренската вакцинација која ги зовре социјалните мрежи. Додека повеќето коментари се дека станува збор за фотографија која вистински одразува во каква ситуација е здравството, па коментарите се дека објавата на потегот е „бедна“, Филипче вели дека кога ќе се слушне целата приказна тоа ќе стане гест за поздравување, а не за осуда. 

ВТОРО САМОУБИСТВО ВО ШТИП

Двојна трагедија во Штип - момче и девојка си го одзеле животот на идентичен начин. Жителите на градот се во шок, тага и неверување за трагичниот настан, многу прашања без одговори. 

ЧИТАЈТЕ УШТЕ

Станува сѐ поизвесно дека и оваа туристичка сезона ќе пропадне.

Изминативе денови евидентно е зголемен бројот на новозаразени со корона вирусот и тоа најмногу во Тетово, и само по 2-3 случаи во Скопје. Епидемиологот, д-р Александар Стојанов за Фактор вели дека сепак не станува збор за четвртиот бран на вирусот, особено и поради фактот што се уште се прават голем број тестирања, а бројот на заразени се движи некаде од 5 до 20, што генерално е многу мал процент. 

Најголемото министерство на тендер избра снабдувач со електрична енергија на кој за една година, по фиксна цена, ќе му плати до 960.000 евра. На тендерот во конкуренција на шест компании бизнисот да го светне МВР го доби скопската филијала на косовска фирма за трговија и снабдување со струја

Куќа во Битола од 354 квадратни метри за помалку од 32.000 евра, стан со земјиште во Скопје во вкупна квадратура од 278 метри за само 85.000 евра. Недвижнини со вакви цени можат да се купат и во Македонија.