ФАКТОР НА ДЕНОТ: Николовски вели бил изложен на јавен линч, а обвинителството соопшти дека нема поврзаност меѓу него и дојавите за бомби
Објавено во: Македонија 03 Ноември, 2022
НИКОЛА НИКОЛОВСКИ ВЕЛИ ДЕКА БИЛ ИЗЛОЖЕН НА ЈАВЕН ЛИНЧ
Никола Николовски кој беше осомничен дека ги испратил мејловите до скопските училишта за закани за бомби, вели дека слободната мисла е повредна од секоја закана, притисок и уцена.
Тој порача дека нема да го замолчат. Вчера тој беше уапсен, а потоа и ослободен.„Во текот на вчерашниот ден, среде бел ден и во време на вршење на моите работни обврски бев лишен од слобода, по што до доцните часови бев држен во полициска станица, без можност за контакт со моите пријатели, роднини и најтесното семејство. Јавен распит, претрес на мојот дом од страна на 10 полицајци, меѓу кои имаше и вооружени, мое спроведување од полициска станица до дома во придружба на вооружени службеници како најголем криминалец, товарење за дело кое не сум го направил и е АПСОЛУТНА НЕВИСТИНА! Вчера бев изложен на јавен линч, закани и ликувања за моја осуда. Ова е цената на јавното искажување став во Македонија. Ниту имам мотив, ниту потреба да вознемирувам цели фамилии со „дојавите за бомба во средните училишта“. Очигледно некому му пречи мојата работа со профилот „Боемот“, моите сфаќања, ставови, бескомпромисност во борбата за подобро утре, независноста од политиката и слободната мисла. Тоа што не те убива, те прави посилен“. Затоа продолжувам со засилено темпо јавно да го искажувам моето мислење, но овој пат наместо под псевдоним ќе го додадам и моето име: Никола Николовски“, стои во неговата изјава на социјалната мрежа Инстаграм.
ОЈО ВЕЛИ НЕМА ПОВРЗАНОСТ МЕЃУ УАПСЕНИОТ И ДОЈАВИТЕ ЗА БОМБИОд Обвинителството соoпштија дека нема никаква поврзаност меѓу уапсениот Никола Николовски и алармите за бомби во средните училишта.
„Во текот на минатата ноќ со инструкции од јавен обвинител извршени се сите неопходни дејствија со цел да не се држи дополнително лицето. Имајќи превид дека првичните вештачења не покажале поврзаност на лицето со испратените пораки, лицето по распитот било пуштено на слобода“, порачаа од Обвинителство.ИМА ЗАМЕНА ЗА СОФИЈАНОВА И ВАСЕВ
Стојка Нацева-Фуштиќ и Виолета Клисаровска се назначени за в.д. директори на Детската клиника и на Онкологија.
Тие се именувани како вршители на должност до именување на медицински директор, по распишување конкурс, но не подолго од шест месеци.
Нивното назначување се случува по разрешувањето на Аспазија Софијанова и доктор Никола Васев кои ги депонираа своите оставки на функциите до Министерството за здравство (МЗ) по барање на министерот Беким Сали.ЧИТАЈТЕ УШТЕ
Иако важи за супер храна, македонските граѓани многу ретко садат брусница.