ФАКТОР НА ДЕНОТ: Нови 123 заразени, меѓу нив и функционери на ДУИ

Добивај вести на Viber

ЗА 24 ЧАСА ИМА 123 НОВИ ПОЗИТИВНИ НА КОВИД -19

Во Македонија денеска има помалку заразени и помалку починати од коронавирусот од вчера. 

Починати се 3 лица, еден пациент од Скопје и по еден од Дебар и Струмица.

Министерството за здравство соопшти дека во последните 24 часа се направени 1.312 тестирања, а регистрирани се 123 нови случаи на Ковид-19 во: Скопје-54, Куманово-5, Дебар-4, Штип-18, Прилеп-1, Тетово-5, Струга-6, Битола-2, Охрид-3, Гостивар-16, Крушево-1, Демир Хисар-1, Свети Николе-2, Кичево-4, Ресен-1.

Институтот за јавно здравје денеска евидентира 74 оздравени пациенти од:Скопје-23, Дебар-1, Штип-2, Прилеп-6, Тетово-15, Битола-7, Гостивар-6, Кочани-2, Пробиштип-2, Кичево-5, Ресен-5.

ПОЗИТИВНИ И ДВАЈЦА МИНИСТРИ

Министерот за образование Арбр Адеми е позитивен на коронавирусот. Информацијата ја сподели на фејсбук. Соопшти дека синоќа почувствувал некои лесни симтоми, а по сомнежите дека станува збор за вирусот се тестирал на Ковид-19.

Вчера и министерот за економија Крешник Бектеши објави дека е позитивен. Двајцата се сопартијци и блиски соработници.

Бојан Јовановски, обвинетиот во случајот „Меѓународен сијуз“, на денешното рочиште рече дека Мила Царовска, актуелниот вицепремиер за економски прашања и поранешна министерка за труд и социјална политика, ја донела кај него Лилјана Тодоровска, жена која подоцна се испостави дека добила на сметка 750.000 евра и имала задача да ги извлече и да ги предаде парите.

- Мојот договор со ГП Пелистер не падна од небо туку беше преку посредници,  а вистиниските посредници ќе се дознаат преку кривичните пријави. Мила Царовска ја донесе Лилјана Тодоровска која е автор на проектот кај мене. Имав и прием и поддршка од Зоран Заев и од Оливер Спасовски, рече Јовановски.

Најостро ги демантирам сите дрски лаги и конструкции изнесени во јавност од страна на Бојан Јовановски за поврзаност со проект на ГП Пелистер и за било каква соработка со Меѓународниот сојуз и најавувам дека против него ќе поднесам тужба за клевета, објави попладнево Мила Царовска. Тој како обвинет во случајот со неговата невладина организација Меѓународен сојуз на денешното рочиште изјави дека Царовска, вицепремиер за економски прашања и поранешна министерка за труд и социјална политика, ја донела кај него Лилјана Тодоровска, жена која подоцна се испостави дека добила на сметка 750.000 евра и имала задача да ги извлече и да ги предаде парите.

АНТИКОРУПЦИСКА РЕАГИРА ЗА ВРАБОТУВАЊЕТО НА СЕСТРАТА НА ЈАНЕВА

Државната комисија за спречување на корупција на денешната прес-конференција информираше дека открила наоди според кои сестрата на поранешната специјална обвинителка Катица Јанева, Лиле Делиџакова, пред две години е поставена за потпретседател на Комисијата за хартии од вредност откако поминал рокот за пријавување.

- Владата го направила изборот на 17 април 2018, но со документи од Делиџакова кои биле извадени подоцна од рокот за пријавување на апликацијата на Комисијата за хартии од вредност. Во самиот јавен оглас на КХВ се вели дека документите и пријавите после датумот за пријавување нема да се земат во предвид. На дел од документацијката во досието на Делиџакова се гледа дека тие се извадени на 23 и 24 април. Владата ја избрала без да биде избрана целокупната документација, рече Софија Пеовска Дојчиновска, потпретседателката на ДКСК.

ЧИТАЈТЕ УШТЕ

Секретаријатот за европски прашања, СЕП, на вицепремиерот Бујар Османи, потрошил само 91 евро на капитални инвестиции за цели шест месеци, односно во првата половина од годинава.

ГОБ „8 Септември“ оваа недела интензивно се подготвува да почне со редовни операции и за пациентите кои до сега чекаа да бидат ставени на програма. 

Според директорот на оваа болничка установа, д-р. Христијан Костов, од средината на март, откако ГОБ „8 Септември“ стана најголемиот Ковид-центар, хируршките зафати беа сведени на минимум, односно се праве аоперации само на итните случаи.

Промет од 358.000 евра со акцијата на „Комерцијална банка“ со просечна цена од 6.000 денари на 13 јули два дена пред изборите. 

Нов кластер на позитивни со корона висрусот е компанијата „Метро“ која препакува смрзната риба, потврди за Фактор директорот на Центарот за јавно здравје, д-р. Александар Стојанов. 

Тој појаснува дека во оваа компанија од вкупниот број вработени 22, позитивни на Ковид-19  се половина од нив, односно 11.