ФАКТОР НА ДЕНОТ: Нови 88 заразени од коронавирусот, штипјанец по втор пат се заразил

Добивај вести на Viber

ЗА 24 ЧАСА 88 ИНФИЦИРАНИ И 6 ПОЧИНАТИ 

Во последните 24 часа се направени 1507 тестирања, а регистрирани се 88 нови случаи на ковид-19 во:

-Скопје 23
-Куманово 8
-Дебар 2
-Штип 10
-Прилеп 3
-Тетово 2
-Струга 11
-Велес 2
-Битола 3
-Охрид 8
-Кавадарци 1
-Гостивар 4
-Струмица 1
-Македонски Брод 4
-Виница 2
-Свети Николе 2
-Кичево 2

Починати се 6 лица, две пациентки од Скопје (56г. и 75г.), пациент од Куманово (91г.), пациент од Гостивар (64г.), пациент од Тетово (82г.) и пациент од Штип (58г.) Сите пациенти се починати во болнички услови.

Денеска Институтот за јавно здравје регистрира 113 оздравени пациенти од:

-Скопје 57
-Дебар 1
-Штип 11
-Прилеп 8
-Тетово 11
-Велес 1
-Гостивар 2
-Кочани 4
-Демир Хисар 1
-Свети Николе 10
-Кичево 2
-Ресен 5

ШТИПЈАНЕЦ ПО ВТОР ПАТ СЕ ЗАРАЗИЛ 

Излекуван штипjанец по втор пат се заразил со коронавирусот. 

Информацијата ја соопшти директорот на штипската клиничка болница Ален Ѓеорѓијев, кој кажа дека пациентот се наоѓа на болничко лекување.

На инфективното одделение во Штип во моментов се лекуваат 35 пациенти заболени од Ковид 19, а 11 се сомнителни случаи. 

Најмногу пациенти има од Штип, но има и од Кочани, Виница, Пробиштип, Берово и од други места.

ВО ПОСЛЕДНАТА НЕДЕЛА ОД ЈУЛИ ЗАРАЗЕНИ ИМАЛО ВО 28 ГРАДА

Последниот извештај на Институтот за јавно здравје за неделата од 27.јули до 2.август покажува дека новозаразени граѓани со корона вирусот се регистрирани во 28 града, при што најголем процент на новозаболени има во Скопје (27,9% – бележи благо намалување три недели по ред), во Штип (12,2%) и во Гостивар (11,2%). Во 19 градови во земјата, за истиот период, бројот на новопотврдени случаи е под 20. Извештајот покажува и дека во воследната недела најули се регистрирани 29 смртни случаи, што е намалување од 14,7%, во однос на претходната недела.

НЕВРЕМЕ ВО ДЕЛЧЕВО, ПОПЛАВЕНИ УЛИЦИ ВО ОХРИД

Силен ветер урна кров на зграда во Делчево. 

Невреме денеска го зафати градот на истокот. 

Ветерот однесе неколку лимени покриви меѓу кои и на една од зградите во центарот на градот.

„Охрид како Венеција“. Видео со ваков наслов се појави на социјалните мрежи, и покажува дека се поплавени улиците во Охрид. 

Поплавен е плоштадот во овој македонски град. 

СТРАОТНА ЕКСПЛОЗИЈА ОДНЕСЕ НАД СТО ЖИВОТИ ВО БЕЈРУТ

Во Бејрут прогласена e вонредна состојба на две недели. 

Либан прогласи вонредна состојба за градот Бејрут по катастрофалната експлозија вчера во пристаништето во која загинаа над сто луѓе, а беа повредени неколку илјади.

Владата одлучи да ги стави во домашен притвор сите службеници од пристаништето во Бејрут, задолжени за надзор и безбедност на магацинот. Војската ќе проверува дали се во домашен притвор  додека не се утврди одговорноста за вчерашната експлозија.