ФАКТОР НА ДЕНОТ: Од Ковид - 19 починаа 10 луѓе, Грците ги затворија премините, а ДУИ праќа смирувачки сигнали

Добивај вести на Viber

НОВИ 10 ЖРТВИ НА КОРОНАВИРУСОТ

За 24 часа се направени 1.437 тестирања, а регистрирани се 137 нови случаи на ковид-19. 

Најголем дел од нив се во главниот град, објави Министерството за здравство.  Во Скопје има 64, Куманово-7, Штип-19, Прилеп-1, Тетово-7, Струга-14, Велес-1, Битола-2, Охрид-5, Гостивар-6, Радовиш-2, Крушево-1, Демир Хисар-1, Свети Николе-3, Кичево -4 нови заразени.

нститутот за јавно здравје денеска регистрира 131 оздравен пациент од: Скопје-41, Штип-10, Тетово-11, Струга-25, Велес-3, Охрид-36, Гостивар-5.

Починати се 10 лица, пет пациенти од Скопје, двајца од Куманово, по еден пациент од Тетово, Гостивар и Радовиш.

На Клиниката за инфективни болести и фебрилни состојби почина пациент на 66 години. Во ГОБ „8 септември“ починати се пет лица на возраст 79,76, 82,61 и 72 години. Во Институтот за белодробни заболувања Козле почина 81-годишен пациент. Во ОБ Куманово е починат пациент на возраст од 80 години.

ГРЦИТЕ ГИ ЗАТВОРИЈА ПРЕМИНИТЕ ДОЈРАНИ И МЕЏИТЛИЈА

Министерството за внатрешни работи  ги известува граѓаните дека до граничната служба на граничниот премин „Стар Дојран“ од страна на грчката гранична служба од граничниот премин „Дојрани“, а во врска со новите протоколи на грчката влада за  рестрикитивни мерки  за ковид-19, доставено е известување дека грчкиот граничен премин „Дојрани“ ќе биде затворен за патнички и товарен сообраќај во периодот од 22.07 (среда) од 00.00 часот до 04.08.2020 (вторник).

Сите патнички и товарни моторни возила што планираат да остварат влез и излез од и во Грција во  наведениот период, тоа ќе може да го остварат на грчкиот граничен премин „Евзони“. 

ЗАЕВ ОДМОРА ВО ПРЕСПА

Претседателот на СДСМ, Зоран Заев на Фејсбук сподели фотографии од локацијата каде го поминува одморот. 

Тој летува во Македонија, поточно во Љубојно. 

„Дома си е дома, дома е и во Љубојно во Преспа. Медот е од Бујар, баклавата ја правеше мајка му на Линдим, а рибата ја спреми тетка Лилјана, мајката на Васко. Голема благодарност за гостопримството и одличната храна и до Борјан и до градоначалникот Живко. Цело е кога има сѐ“, пишува Заев. 

СМИРУВАЧКИ ТОНОВИ ОД ДУИ

Смирувачка порака денеска упати Артан Груби од ДУИ на Фејсбук. 

ГРУЕВСКИ ПОВЕЌЕ НЕ Е ПОЧЕСЕН ПРЕТСЕДАТЕЛ НА ВМРО-ДПМНЕ

Никола Груевски повеќе нема да биде почесен претседател на ВМРО-ДПМНЕ. Ваква одлука донесе Централниот комитет на партијата на состанокот синоќа. Беа усвоени статутарни измени со кои освен прашањето за почесен претседател се уредуваат и други. Претседателот на ВМРО-ДПМНЕ ќе може да биде претседател само два мандати на регуларен избор, евентуално би можел да добие и трет мандат, но само доколку биде поддржан од две третини од телата коишто го бираат.

„Во однос на почесни членови и почесни претседатели овој статут на ВМРО-ДПМНЕ такво нешто не предвидува односно ниту Никола Груевски, ниту било кој друг поранешен почесен претседател повеќе согласно овој статут не се почесни претседатели. Такво нешто статутот не предвидува - рече Панче Тошковски, претседател на статутарната комисија при ВМРО-ДПМНЕ.

ЧИТАЈТЕ УШТЕ

Од 1 мај до 21 јули годинава повеќе од 31.000 граѓани се затекнати без заштитни маски и се казнети.

Лав Георгиевски, синот на поранешниот македонски премиер Љубчо Георгиевски, засега не е активен во политиката како својот татко, но затоа ќе се обиде во бизнисот со финансии како основач на финансиско друштво за брзи кредити.

Големата апстиненција на македонските гласачи споредено со изборите во 2016 година е видлива во речиси секоја општина. 

По речиси цели два месеца, вчера прв пат во Македонија немаше починати пациенти од корона вирусот.

Државата собрала во буџетот од акцизи нешто над 8 милијарди денари во првите пет месеци годинава.

Под влијание на пандемијата од корона вирусот, во светот се случуваат големи промени - најтешка рецесија од Големата депресија во 1930-тите години до сега.