ФАКТОР НА ДЕНОТ: Откриен е британскиот сој на коронавирусот во земјава, денес има скоро 400 заразени

Добивај вести на Viber

ДЕТЕКТИРАН Е БРИТАНСКИОТ СОЈ НА КОРОНАВИРУСОТ КАЈ НАС

Во земјава веќе е детектиран британскиот сој на коронавирусот. 

Она што треба да го знаеме е дека симптомите се слични како и кај првата варијанта: висока температура, непрекинато кашлање, губење на мирис и вкус. Тој ги напаѓа помладите, но и децата. Откако вирусот ќе го напушти нивното тело, може и натаму да чувствуваат тешко дишење и болки во мускулите и зглобовите. Оваа варијантата е позаразна од претходните, но доказите не укажуваат на тоа дека сојот е посмртоносен. 

Министерството за здравство соопшти дека денеска при анализа на податоци од позитивни ковид пациенти во месец јануари, во приватна лабораторија за генетика и перосонализирана медицина на клиниката Жан Митрев, кај еден примерок е детектирана мутација на британскиот сој на вирусот СарсКов 2. 

Се работи за 46 годишен маж кој веќе е оздравен, односно во базата на податоци на Инстистутот за јавно здравје пациентот од 22 јануари 2021 се води како оздравен. 

Министерството за здравство информира согласно податоците од Инситутот за јавно здравје, во последните 24 часа се направени 2.236 тестирања, а регистрирани се 394 нови случаи на ковид-19 во:

Скопје – 190, Кавадарци – 29, Велес – 19, Делчево – 16, Куманово – 14, Охрид – 12, Дебар – 12, Гостивар – 11, Прилеп – 7, Штип – 7, Битола – 7, Берово – 7, Демир Капија – 7, Кичево – 6, Тетово – 5, Струмица – 5, Гевгелија – 5, Свети Николе – 4, Неготино – 4, Виница – 4, Струга – 3, Кочани – 3, Крива Паланка – 3, Радовиш – 3, Крушево – 3, Ресен – 2, Пробиштип – 2, Кратово – 2 и Пехчево - 2.

Регистрирани се 387 оздравени пациенти од:

Скопје – 255, Куманово – 21, Тетово – 15, Струмица – 15, Велес – 14, Ресен – 12, Битола – 11, Дебар – 8, Гостивар – 7, Кавадарци – 5, Штип – 4, Кичево – 3, Демир Хисар – 3, Делчево – 2, Охрид – 2, Гевгелија – 2, Свети Николе – 2, Кочани – 2, Богданци – 2, Берово – 1, Валандово – 1.  

ЗЕМЈОТРЕСИ ВО МАКЕДОНИЈА

Утрово во 7.44 часот во Маврово е регистриран земјотрес со јачина од 3,6 степени според Европската макросеизмичка скала.

Овој е последен и најсилен од серијата земјотреси кои беа почувствуванаи во тој регион во текот на целата измината ноќ. 

СИТЕ ШТО СЕ ЖРТВИ ВО „ЈАВНА СОБА“ ДА ПРИЈАВАТ

Секторот за комјутерски криминал и дигитална форензика при МВР презема мерки за расчистување на случајот. 

Ова го изјавија од МВР на барање на Фактор.

Од Полицијата велат дека секој граѓанин што е жртва на ваква злоупотреба, тоа треба да го пројави во најблиската полициска станица. 

„Го повикуваме секој граѓанин што е жртва на ваква злоупотреба да пријави во најблиската полициска станица, а МВР во координација со обвинителството презема соодветни мерки“, велат од Министерството за внатрешни работи.

ЧИТАЈТЕ УШТЕ

Светозар Јаневски е претседател на УО на ВВ „Тиквеш“. Неговата желба е да имаме оптимистички поглед на оваа година и да ги примениме лекциите на кои не научи претходната. Министерот за здравство да го има помалку во медиумите, но и да размислуваме пошироко, како да дадеме свој придонес за општетството.

Драстично се намалил бројот на увезени половни возила лани во споредба со претходната година, говорат најновите податоци на Царинската управа.

Вакцините на Фајзер во Европа доцнат бидејќи производителот најави застој во производството, по што дел од европските држави, пред сè Шведска, најавија судски тужби. Нашите здравствени власти, во услови кога има недостиг од вакцината која ја преферира западот најавија дека почнале преговори за набавка на 200.000 дози од кинеските производители „Синовак“ и „Синофарм“.

Социјалдемократскиот сојуз на Македонија има најголема „заработка“ на средства од националниот буџет и во 2020-та година, откако Министерството за правда на 25 декември им ги префрлило и остатокот од средствата кој законски им следуваше на политичките партии, а требаше да им бидат исплатени до крајот на годината.

Градот Берово скоро година дена е без превоз откако почна пандемијата на коронавирусот.

Поранешниот министер за финансии Никола Поповски и професорите Борче Треновски и Марјан Петрески се владините предлози за нови неизвршни членови на Советот на Народната банка на Северна Македонија. 

Директорката на Клиниката за Нефрологија, д-р. Ирена Бушлетиќ за Фактор потврди дека досегашните тестови на вработениот медицински кадар покажале дека во оваа здравствена институција има 21 позитивен на Ковид-19.