ФАКТОР НА ДЕНОТ: Полицијата со меѓународна потерница го бара Васко Ковачевски

Добивај вести на Viber

ПОЛИЦИЈАТА РАСПИША МЕЃУНАРОДНА ПОТЕРНИЦА ЗА ВАСКО КОВАЧЕВСКИ

Полицијата распиша меѓународна потерница по Васко Ковачевски. 

Со потерница надлежните ќе трагаат по поранешниот директор на ЕСМ, Васко Ковачевски. Основното јавно обвинителство за гонење на организиран криминал и корупција денеска го прими Решението на судијата на претходна постапка при Основниот кривичен суд – Скопје, со кое предлогот за определување мерки за претпазливост против осомничен во предметот „Адитив“ се отфрла. Според обвинителството, осомничениот не е достапен на органите на прогонот.

АХМЕТИ СЕ ПРАВДА ДЕКА НЕМАЛ КОНТАКТ СО ГРУБИ

Лидерот на ДУИ, Али Ахмети за Тв 21 вели дека лично не контактирал со сопартиецот Артан Груби кој избега од државата. 

„Лично немам контакт со Артан Груби и немам детални информации каде актуелно се наоѓа. Мојата изјава во текот на вчерашниот ден е базирана на тоа што е јавно изјавено од претставници на Владата, но исто така и од фактот дека тој легално си ја поминал границата Македонија-Косово. Верувам силно дека секој граѓанин вклучувајќи го и  Груби заслужува еден правичен и неселективен судски процес далеку од селективна апликација на правото“,  изјави Ахмети.

СО „БУНКЕР“ СЕ ИСТРАЖУВААТ 18 ЛИЦА

Во рамките на предметот под кодно име „Бункер“ во кој под истрага се 18 членови на криминални групи, јавниот обвинител од Основното јавно обвинителство за гонење на организиран криминал и корупција и истражители од Истражниот центар при анализа на досега прибраниот доказен материјал дојдоа до сознанија што упатуваат на можно сторување на други кривични дела и други инволвирани лица.

ЧИТАЈТЕ УШТЕ

Доне Таневски од продажба на неговите акции во „Македонијатурист“ досега заработи 20 милиони евра. Денеска за акциите наплати 7 милиони евра. 

Уште една државна обврзница за денационализација ќе почне да котира на македонскиот пазар на капитал.