Владата вети крај на изградбата на патот Градско - Фариш, но и натаму се одложува пуштањето во употреба

Добивај вести на Viber

Владата и Министерството за транспорт, како предизборно, така и во текот на владеењето, ветуваа крај на изградбата на важниот експресен пат Градско - Фариш, преку кој лесно ќе се вози до Прилеп и Битола и пуштање во употреба до завршувањето на 2024.

Сега премиерот Никола Мицкоски вели дека по делницата ќе се вози од втората половина на јануари.

Мицкоски најави дека в сабота ќе биде пуштен експресниот пат Страцин (Чатал) - Крива Паланка, а во втората половина на месецов првиот дел од пругата кон Бугарија (Куманово-Бељаковце).

Повтори дека очекува пред почетокот на туристичката сезона во Охрид  да биде пуштена  и делницата од Врбјани до Охрид на автопатот Кичево-Охрид, со исклучок на делот кај Ботун, каде има свлечиште на чие отстранување се работи. 

Според Мицкоски, забрзано се работи и на автопатите на Коридорот 8 и Коридорот 10 д.

- Патот Гостивар-Букојчани се работи, очекувам да заврши тендерот којшто ќе ги поврзе Букојчани со автопатот Кичево-Охрид. Исто така забрзано се работи на патот Прилеп- Битола,  очекувам да почне Тетово-Гостивар  и Требениште -  ГП Ќафасан по нова рута бидејќи сегашната навлегува во делот што  е заштитен од УНЕСКО, изјави Мицоски.