ФАКТОР НА ДЕНОТ: Полицијата ќе ги казнува групирањата за празници, денес има нови 83 заразени со корона

Добивај вести на Viber

ГРАЃАНИТЕ ДА НЕ СЕ ГРУПИРААТ ЗА ПРАЗНИЦИТЕ

„Групирање на повеќе од четири лица е забрането. Ако требало да се овозможи групирање, во одлуката би стоело - освен ако имаат негативни тестови. Да не се изложуваат граѓаните на трошоци за тестови и да мислат дека така ќе може да слават во големи групи. Ќе повторам, секое собирање над четири лица е казниво. Ние имаме оперативен план и голем број служебеници ќе бидат активирани низ сите градови, сите туристички центри, таму каде што имаме концентрација на луѓе, онаму каде има викендици. Одделот за компјтерски криминал детално ги следи сите огласи за издавање, одделот за превенција работеше периодов и им сугерираше на сопствениците да внимаваат на колкумина ја издаваат куќата или станот“, изјави Оливер Спасовски, министер за внатрешни работи, во емисијата Утрински брифинг. 

Министерството за внатрешни работи објави број на кој можете да пријавите доколку некој ги крши здравствените протоколи. 

НОВИ 83 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 700 тестирања, а регистрирани се 83 нови случаи на ковид-19 во: Скопје-44, Куманово-3, Дебар-2, Штип-5, Прилеп-6, Тетово-3, Велес-4, Битола-5, Кавадарци-1, Гостивар-1, Струмица-2, Крива Паланка-1, Делчево-1, Кратово-1, Ресен-1, Неготино-3. 

Денеска Институтот за јавно здравје регистрира 419 оздравени пациенти од: Скопје-149, Куманово-28, Штип-19, Прилеп-33,  Тетово-19, Велес-24, Битола-21, Охрид-1, Кавадарци-25, Гостивар-16, Гевгелија-5, Струмица-20, Крива Паланка-9, Радовиш-3, Кочани-5, Пехчево-2, Берово-6, Валандово-11, Виница-2, Кратово-2, Свети Николе-5, Кичево-1, Ресен-3 и Неготино-10.

РАЗГОВОРИТЕ СО БУГАРИЈА ПРОДОЛЖУВААТ

Премиерот Зоран Заев вели дека во моментов нема разговори со Бугарија, поради празниците, но тие ќе продолжат, како што вели, со пријателство, и преку Акциониот план. 

Заев реално, не очекува да има позитивно решение за земјава пред изборите во Бугарија.

ПАРТИИТЕ СО РАЗЛИЧНИ СТАВОВИ ЗА ПОПИСОТ

Правиме сѐ за да бидете спокојни за пописот, изјави денеска премиерот Зоран Заев. 

Вели дека прават напори предлозите на опозицијата кои се однесуваат на законот за попис да бидат прифатени.  Објасни дека има три категории попишување – едниот дел се вкупно сите граѓани, вториот дел се граѓани резиденти, односно сите граѓани што живеат во земјата и третата група се граѓани што се иселени на подолг период од една година. Тоа вели ја прави беспредметна и ирационална дебатата за етничка припадност или колкави се процентите и слично. Заев кажа дека попишувачите се професионалци и дека нив „не ги дава ни СДСМ, ни ДУИ, ни Алијанса, ни ВМРО-ДПМНЕ“.

УАПСЕНА Е ТЕРОРИСТИЧКА ГРУПА

МВР соопшти дека се приведени осум лица за сторено кривично дело „терористичка организација“ во Скопје и Куманово.

„Одделот за сузбивање на организиран и сериозен криминал-Секторот за борба против тероризам, насилен екстремизам и радикализам во координација со Агенцијата за национална безбедност, Одделот за специјални полициски операции под раководство на надлежен јавен обвинител од ОЈО за гонење на организиран криминал и корупција по спроведена повеќемесечна истрага на 27.12.2020 приведе осум членови на терористичка организација“, соопшти полицијата.

ЧИТАЈТЕ УШТЕ

Стојко Стојков од ОМО Илиден Пирин вели дека Бугарија ги даваше овие пасоши со намера вештачки да содаде лажен впечаток за постоење бројно бугарско малцинство во Македонија и истото да го користи за да ја уценува Македонија.

Микробиологот, проф. д-р. Никола Пановски, еден од најприсутните во јавноста во годинава што изминува, посебно со неговата стручност заради што со своите ставови остро се спротивставуваше на здравствените власти, а истовремено упатуваше и безброј апели до граѓаните, за следната 2021 година посакува ковид да биде кон крајот на вестите во дневно-информативните изданија.

Мермерен комбинат од Прилеп е една од компаниите кои се афектирани од глобалната пандемија, но сепак и покрај падот на приходите и профитот, успешно се справуваат и работат успешно. Да успешно! Затоа што од вкупните приходи од продажба на нето добивка останува речиси половината

Сашо Наумоски е генерален директор на „Витаминка“, нашата добро позната ама и доста успешна компанија. Не се исплаши ниту од овој предизвик и компанијата успеа да се прилагоди и во оваа криза. Вели дека е горд на своите вработени, се обидел да биде тука за нив кога било потребно.

Драгољуб Арсовски е претседател на Управниот одбор на ТТК Банка, искусен банкар. Во годината која изминува, поради здравствениот предизвик, банката успеа да го зајакне капацитетот за поголема флексибилност, да се фокусира на дигитализацијата и посветеноста на клиентите.

Со остварена актива од над милијарда евра, што е раст од 12,67 отсто во однос на крајот на минатата година, кредитен раст до октомври од 13,38 проценти во однос на декември минатата година и раст во истиот период на депозитната база од 17,7 проценти, Халкбанк АД Скопје и годинава потврди дека е еден од најсилните банкарски брендови на македонскиот пазар.

Не би сакал да ја игнорирам тековната глобална криза како ограничувачки фактор, обично не сум човек кој се фокусира на работи кои не може да ги контролира, но искуството од оваа година покажува дека со добар план и стратегија секоја криза може успешно да се надмине, вели во разговор за Фактор, Горан Божиновски, директор на продажба во „Кроациа Осгирување – Живот“.