ФАКТОР НА ДЕНОТ: Полицискиот час стартува oд 19, но власта порача да нема опуштање

Добивај вести на Viber

СЕ ОЛАБАВУВА ПОЛИЦИСКИОТ ЧАС

Почнувајќи од утре, четврток, 23 април, се намалуваат рестрикциите на движењето, информира министерот за здравство, Венко Филипче.

Секој работен ден, од понеделник до петок ќе биде дозволено движењето на граѓаните од 05:00 часот наутро до 19:00 часот. Забраната за движење во целата држава ќе почнува во 19 часот и ќе трае до 05 часот наутро.

„За лицата над 67 годишна возраст ќе биде дозволено движење секој работен ден од 05 часот наутро до 12 на пладне. Младите лица до 18 години ќе може да излегуваат од понеделник до петок од 13:00 до 19:00 часот. Се намалува и ограничувањето на движење за време на викендите. Од сега забраната за движење за викенд ќе почнува од 15:00 часот во сабота, а ќе трае до понеделник до 05:00 часот наутро. Во сабота, за лицата над 67 годишна возраст ќе биде дозволено движење од 05 часот наутро до 11 часот наутро“, додава министерот.

Премиерот Оливер Спасовски попладнево на прес-конференција изјави дека се олабавуваат мерките за движење на граѓаните. 

Вели дека досегашните мерки се преземени поради пикот на заразата. 

НОВИ 28 ЗАРАЗЕНИ СО КОВИД 19

Министерот за здравство, Венко Филипче попладнево на прес-конференција изјави дека расте бројот на излекувани пациенти од Ковид 19. 

48 пациенти се со негативни тестови. 

Има еден починат во болницата „8-ми Септември“. 

Потврдени се нови 28 заразени. 

За 24 часа направени се 660 тестови. 

ДЕТАЛИ ЗА НАБАВКАТА НА РЕСПИРАТОРИ

Коронавирусот го погоди човештвото, а крајните псоледици се уште се несогледливи особено од хуман аспект, а секако и како удар за здравството и за економската ситуација во земјите. Македонија направи поместувања на буџетските ставки за да пренамени средства за здравствениот буџет. Минситерството за здравство засега изврши неколку набавки поврзани со коронавирусот а најголема е таа за респираторите. Oд Министерството за здравство не потврдуваат дали се стасани купените респиратори за кои министерот извести минатата недела но секако бешенајевно дека испшораката ќе биде за најмногу десет календарски денови за едниот дел и за 30 денови за останатите.

Станува збор за 31 машина за механичка вентилација кои Министерството ги купи од две фирми - Соникс Анастасија и Винора ДООЕЛ. Од Соникс Анасатасија која и порано е една од клучните преку кои здравствените установи ги вршеа набавките се купени 26 респиратори, а останатите пет се од Винора.

За договорот на Соникс треба да му се исплатат  околу 40 милиони денари, додека на Винора околу 7,7 милиони денари. 

ЦЕНИТЕ НА НАФТАТА ТОП ТЕМА ВО СВЕТОТ

Цената на барел сирова нафта за испорака во мај, на Њујоршката берза, на крајот на тргувањето конечно надмина нула, по историскиот пад во негатива, со што на крајот заврши со 10,01 долари по барел. 

Но се уште цената на нафтата која се котира за испорака во јуни забележува невиден пад од 43 отсто, па ќе се продава за 11,57 долари, што никогаш до сега не се случило откако се започнати терминските договори од 1983 година.

Пред Саудиска Арабија да ја урне цената на нафтата, принцот Мухамед и рускиот претседател Владимир Путин имале жесток телефонски разговор, буквално се дереле еден на друг, тврдат британски извори, повикувајќи се на Мидл Ист Ај (Middle East Eye).

ЧИТАЈТЕ УШТЕ

Пад на македонската економија од четири проценти предвидува Меѓународниот монетарен фонд (ММФ) во последниот редовен извештај за земјава по т.н. Артикл 4.

Ако може на американските банки јасно да им се каже дека во време на корона кризата, за која сите предвидуваат дека ќе доведе до длабок пад на економијата, не треба да исплаќаат дивиденди, туку да го чуваат и зголемуваат својот капитал со цел да бидат подготвени и за најнегативните сценарија, и тоа директно од првиот човек на ФЕД Банката во Минеаполис, зошто тоа да не може да им се наложи и на македонските банкари.

Да не се паничи, овој нов вирус не опстанува во надворешната средина како што е сезонскиот грип, па затоа и потешко се пренесува.

Македонија треба да го искористи моментумот и со некоја краткорочна стратегија да има корист од евтината нафта, вели Митко Андреев експерт за енергетика за Фактор. 

Карантинот, коронакризата, стравот од ширењето на епидемијата, ги загрижува граѓаните кои се принудени да побараат стручна помош.

Ги мачи страв, паника, анксиозност. Драгана Георгиева Петковиќ, психијатар од Куманово вели дека луѓето се плашат, се јавуваат за совет и помош.