ФАКТОР НА ДЕНОТ: Предложена кризна состојба, денес повторно над 1.100 заразени со коронавирусот

Добивај вести на Viber

ПРЕДЛОЖЕНА Е КРИЗНА СОСТОЈБА

По состанокот на Националниот совет за безбедност, претседателот Стево Пендаровски изјави дека епидемиолошката состојба во земјава бара многу посериозен пристап, заради што на Владата и препорачува да прогласи кризна состојба на териоторијата на цела држава. Премиерот Зоран Заев истакна дека тие се целосно подготвени и дека најдоцна до утре вечер ќе одржат седница на која ќе прогласат кризна состојба во времетраење од 30 дена.

-Не се исклучува и можноста за полициски час, но сега со прогласување на кризна состојба ќе имаме можност за управување со сите капацитети во државата. Имаме потреба од болници и клиники, од кадар, а сето тоа и психолошки ќе влијае дека ние сме подготвени за справување со ковид-кризата, истакна премиерот Заев.

И ДЕНЕС НАД 1.100 ЗАРАЗЕНИ

Министерството за здравство информира дека во последните 24 часа се направени 3081 тестирања, а регистрирани се 1198 нови случаи на ковид-19 во: Скопје-572, Куманово-41,  Дебар-1, Штип-49, Прилеп-53, Тетово-28, Струга-34, Велес-42, Битола-92, Охрид-42, Кавадарци-18, Гостивар-11, Гевгелија-3, Струмица-34, Крива Паланка-11, Радовиш-6, Крушево-6, Кочани-14, Пробиштип-5, Демир Хисар-3, Македонски Брод-3, Пехчево-7, Берово-19,  Валандово-9, Виница-11, Делчево-11, Кратово-5,  Свети Николе-20, Кичево-33, Ресен-4, Неготино-11. 

Денеска Институтот за јавно здравје регистрира 621 оздравени пациенти од: Скопје-150, Куманово-41, Дебар-4, Штип-36, Прилеп-42, Тетово-69, Струга-12, Велес-52, Битола-37, Охрид-11, Кавадарци-21, Гостивар-22, Гевгелија-11,  Струмица-36, Крива Паланка-4, Радовиш-5, Кочани-12, Пробиштип-8, Македонски Брод-2, Пехчево-1, Берово-4, Валандово-1, Делчево-6, Кратово-4, Свети Николе-3, Кичево-16, Ресен-3, Неготино-8.

ПОБЕГНАЛ ОД БОЛНИЦА, ПОТОА Е ВРАТЕН, ПА ПОЧИНАЛ

Најмладиот пациент кој вчера почина од компликации на корона вирусот е 35-годишен битолчанец, кој бил сместен на Инфективното одделение во Клиничката болница во Битола, но во текот на денот успеал да побегне, а неколку часа подоцна починал. За целиот настан деатлно информира Министерството за здравство од каде велат дека пациентот вчера предпладнето кога се делел ручекот успеал да избегал од Ковид одделот каде бил хоспитализиран. За бегството било известено болничкото обезбедување, МВР и директорот на Клиничката болница Битола, како и епидемиологот, велат од Министерството за здравство, истовремено нагласувајќи дека пациентот во 18:02 часот повторно бил донесен со возило на Итна медицинска помош. 

Тој бил во вонредно тешка општа состојба, неконтактибилен, тахидиспноичен, хипотензичен со немерливи витални параметри, немерлива сатурација, со пена на устата и изразена цијаноза.

КИРАЦОВСКИ ГО КАЖА СТАВОТ ЗА ВЕТОТО

Поранешниот пратеник и генерален секретар на СДСМ, Александар Кирацовски, објави дека своевремено мнозинството во Собранието немало да го ратификува Договорот за добрососедство со Бугарија доколку имало изрична можност да се стави вето на патот на Македонија кон интегрирањето во Европската Унија.

„Како пратеник кој со гордост го гласаше договорот за пријателство и добрососедство со Р. Бугарија во 2017 год. никаде во истиот не сретнав условеност помеѓу работата на експертската комисија за историски и образовни прашања со евентуална можност за политичка одлука за Вето врз нашите евроинтеграции од страна на Бугарија.

ЧИТАЈТЕ УШТЕ

Новата ситуација во односите со Бугарија и блокадата на македонските преговори со ЕУ ќе создаде несигурност во бизнис секторот, сметаат од Македонско – бугарската стопанска комора.

Министерството за правда на Сузана Пашоска и исплатило 1,95 милиони денари, или околу 32.000 евра на 13 октомври како надомест за штета за случајот „Претседавач“, поврзан со стечајот на АД Машинопромет, што беше отворен во 2013 и заврши неславно за претходната власт. Ова воедно е најголемото обештетување што го исплаќа годинава Министерството за правда.

На лозарите, винарниците и на откупувачите на винско грозје државата годинава ќе им дава вонредна парична помош, покрај редовните земјоделски субвенции, а која заедно со субвенциите ќе може да достигне дури и до 300 илјади евра по корисник.

Требаше само да го измени, но Владата одлучила да се подготви комплетно нов Закон за вработените во јавниот секктор. 

И покрај вонредните услови заради здравствената криза друштвото успеало првите девет месеци да ги заврши со добивка од 44.000 евра што е неспоредливо со лани кога оперативната загуба била 1,6 милиони евра.

Боледувањата за вработените кои се болни од ковид или се во самоизолација, ги скара Синдикатот со некои граѓански здруженија кои се залагаат за заштита на работничките права.