ФАКТОР НА ДЕНОТ: Пропадна Законот за амнестија, Лога најавува нов со редовна постапка

Добивај вести на Viber

ЗАКОНОТ ЗА АМНЕСТИЈА НЕ ПОМИНА СО БРЗА ПОСТАПКА

Собранието не го прифати предлогот по скратена постапка да се донесе законот за амнестија. На гласањето за потребата од негово носење „против“ гласаа 66 пратеници, „за“ 17, а тројца „воздржани“. 

Претходно министерот за правда Кренар Лога овој предлог го бранеше со пренатрупаноста во затворите и нехуманите услови. Министерот пред почетокот на седницата им подели на пратениците фотографии од состојбата во затворите.

Вчера заменичката за правда Викторија Аврамовска-Мадиќ  од Охрид и индиректно кажа дека СДСМ се против законот кој во Влада го протурка Лога, а кој премиерот Димитар Ковачевски најпрво го поддржуваше и бранеше, но подоцна се огради поради сознанијата дека со него ќе се амнестираат и осуденици во „Монструм“.

РЕАКЦИИ ЗА СКАНДАЛОТ НА „САМО ВИСТИНА“

Откако во синоќешната емисија на Само вистина на Канал 5,  Рамадани обвини дека телевизијата прави етничка дискриминација, по што следуваше реакција во живо на директорот на телевизијата, Иван С. Мирчевски, тој до отворено обраќање му де обрати на Рамадани но и на сите политички субјекти во земјата.

Дека постапките на Рамадани се неоправдани смета и професорката Мирјана Најчевска, која потенцира дека поранешниот пратеник треба да одговара за поттикнување етничка и национална нетрпеливост.

Актерот Сашо Тасевски во свој стил распали за синоќешните случувања во Канал 5 телевизија.

Претседателот на ВМРО-Народна партија и поранешен премиер Љубчо Георгиевски го нарече „голем срам за македонското новинарство“ синоќешниот инцидент на емисијата „Само вистина“ на Канал 5, во кој емисијата беше прекината, а гостинот Исмет Рамадани беше избркан. 

НЕВРЕМЕ ВО ЕВРОПА, ИМА И ЖРТВИ

Најмалку шест луѓе загинаа во невремето кое ја зафати Европа. Настрдаа две лица во Белгија и по едно во Шпанија, Франција, Германија и Холандија. Во Белгија загина и дете на возраст од 5 години. 

ЧИТАЈТЕ УШТЕ

Никако да дојдат подобри денови за „Жито Караорман“ од Кичево, компанијата која пред неколку месеци беше откупена во доминантниот дел од Селаудин Арифи, инаку газда и на „АС Сењак“.

И прилепска „Витаминка“ ги објави финансиските извештаи за првите девет месеци од годинава. Тие говорат за намалени приходи, но уште поголем процент на намалување на расходите, и зголемена добивка во однос на истиот период минатата година.

Нафтводот Скопје - Солун доби лиценца за работа и можност да биде употребен по повеќе од една деценија. По речиси една година разгледување на барањето, Регулаторната комисија за енергетика денеска треба да ја потврди оваа одлука, инаку веќе донесена на претходно подготвителна седница. Лиценцата е со важност од 35 години, односно од 2023 до 2058 година.