ФАКТОР НА ДЕНОТ: Реакции од Бугарија за спорот околу Делчев, а Македонија регистрира само 37 нови случаи на Ковид - 19

Добивај вести на Viber

УШТЕ ЕДНА ИЗЈАВА ОД БУГАРСКА СТРАНА ЗА ТОА ЧИЈ Е ДЕЛЧЕВ

„Гоце Делчев е и Македонец и Бугарин - тој е Македонец во регионална смисла и Бугарин во национална смисла “. Ова го изјави во денешната утринска програма за Бугарската национална телчевизија потпретседателот на Мешовитиот комитет на историски и образовни прашања со Република Северна Македонија Доц. проф. Наум Кајчев. Самата комисија не се состанала веќе 10 месеци, рече професорот додека гостуваше во студиото на бугарскиот национален сервис.

Каичев рече дека е можно и Бугарија и Македонија е можно да излезат како победници од спорот за Гоце Делчев , под услов да постои волја за потпирање на архивите, манифестациите и самоопределувањата на Гоце Делчев, што според неговите зборови се „повеќе од јасни“.

„Тогаш моите колеги од Скопје рекоа дека причината се нивните парламентарни избори - не можеа да се сотануваат  додека имаат парламентарни избори. Ние постојано тврдевме дека ние сме експертска комисија на која не треба да влијае домашна политичка динамика, домашни политички фактори од една или друга страна. 10 месеци, всушност, нашата комисија е блокирана и не спроведува редовни состаноци. За жал, има најава во јавноста и простор дека сè е во ред, а комисијата функционира, па дури и одговорна“, рече Кајчев.

ДЕНЕС ИМАМЕ ДРАСТИЧНО ПОМАЛ БРОЈ НА ЗАРАЗЕНИ ОД КОРОНАВИРУСОТ

Министерството за здравство информира дека во последните 24 часа се направени 464 тестирања, а регистрирани се 37 нови случаи на ковид-19 во: Скопје-20, Куманово-3, Штип-1, Тетово-3, Струга-2, Велес-1, Охрид-2, Гостивар-2, Крива Паланка-1, Кочани-2.

Денеска Институтот за јавно здравје регистрира 131 оздравени пациенит од: Скопје-41, Куманово-34, Штип-5, Прилеп-6, Тетово-13, Велес-1, Охрид-3, Кавадарци-1, Гостивар-6, Струмица-2, Кочани-2, Демир Хисар-1, Берово-1, Виница-4, Свети Николе-2, Кичево-8, Неготино-1. 

МЕРКАТА ЗА ПРОДОЛЖЕНО ПОРОДИЛНО ПРЕСТАНУВА ДА ВАЖИ

Престанува да важи мерката за продолжено породилното отсуство, одлучи Владата на својата 4-та седница. 

„Вработените лица, кои се ослободени од работа врз основа на користење на продолжено породилно отсуство, почнувајќи од 23.9.2020 година (среда) да се вратат на своите работни места и на редовно извршување на работните задачи, имајќи предвид дека можноста за користење на оваа мерка за продолжено породилно отсуство престанува да важи. Останатите вработени лица кои во моментот се оправдано отсутни од работа поради користење на редовно породилно отсуство, истите да се вратат на своите работни места и на редовно извршување на работните задачи веднаш по истекот на породилното отсуство“, информираат од Владата.

Донесени се препораки за организирање на настани. 

ИНТЕГРА БАРА ИЗВИНУВАЊЕ ОД ВМРО-ДПМНЕ

Лидерот на ИНТЕГРА, Љупчо Ристовски, побара извинување од претседателот на ВМРО-ДПМНЕ,  Христијан Мицкоски за изнесените тврдења дека тие се финансиски помогнати да направат штета во опозицијата и да се поделат гласовите. 

Тој најави дека ќе поднесе тужба за клевета и ќе бара оштета од 100.000 евра кои ќе ги донира во добротворни цели.

МИНИСТЕРСТВОТО ЗА ФИНАНСИИ БАРА АДМИНИСТРАТИВЦИ

Вкупно 36 нови администртивци ќе се вработат во Министерството за финансии. Огласот е веќе објавен, а се бараат работници на повеќе позиции. Дел од работните места се за во градовите од внатрешноста па се бараат референти за Кочани, Делчево, Кратово, Крушево и други градови. 

Се бараат референти за канцелариско работење со плата од околу 17.000 денари, но и извршители за повисоки позиции со плати над 23 илјади денари.

ЧИТАЈТЕ УШТЕ

Аријанит Хоџа за да биде министер за земјоделство, шумарство и водостопанство се избришал како сопственик и управител на Фреш Фиш, компанијата од гостиварското село Вруток која  е еден од најголемите производители на риба во Македонија.

Речиси во центарот на земјава, во близина на Неготино, ќе никне нова технолошко-индустриска развојна зона.

Зад домашните банки се осум месеци од кои во петте функционираа во криза која ја предизвика пандемијата на Ковид -19. 

Тетовското јавно комунално претпријатие „Тетово“ лани оствари профит од 1,2 милиони евра и е единствена јавна комунална фирма во земјава што има профит поголем од еден милион евра.