ФАКТОР НА ДЕНОТ: Реакции по ветото од Бугарија, денес Македонија регистрира 1.406 заразени

Добивај вести на Viber

БРОЈНИ РЕАКЦИИ ПО ВЕТОТО ОД БУГАРИЈА 

Да се ​​сопне Македонија на нејзиниот пат кон Европската унија не е само морално неодбранливo, тoa е геополитички глупавo. Предавство на бугарските национални интереси е да се работи за Северна Македонија да остане поделена држава, оставена надвор од ЕУ, распарчена од секакви конфликти, пишува во својот личен блог професорот Бојко Пенчев, декан на Факултетот по словенски филологии на Софискиот Универзитет „Св. Климент Охридски".

Независниот хрватски пратеник во Саборот на таа држава, Бојан Главашевиќ, со сериозно прашање до Андреј Пленковиќ, премиер на Република Хрватска. Тој ова му го поставил во форма на пратеничко прашање на Пленковиќ, и очекува да добие одговор на оваа дилема.

Позицијата на Македонија доби поддршка од група историчари од регионот. 

Историчари од регионот регираат по блокадата од Бугарија објаснувајќи дека со тоа се злоупотребува историјата во европските интеграции.

Станува збор за историчари од Словенија, Хрватска, Босна, Црна Гора и од Србија кои напишаа заедничка декларација со наслов „Да ја одбраниме историјата“. 

СОФИЈА БАРА ГАРАНЦИИ

Бугарија ќе дозволи почеток на преговори за Македонија, но доколку добие правни гаранции. 

Софија инсистира на три клучни услови, кои бара да бидат вметнати во преговарачката рамка.

*придржување кон формулацијата за јазикот од 1999 година, потврдена и со Договорот за пријателство и добрососедство;

*утврдување план (патоказ) за спроведување на Договорот од 2017 година и

ДЕНЕС ИМАМЕ НАД 1.400 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 3398 тестирања, а регистрирани се 1406 нови случаи на ковид-19 во: Скопје-627, Куманово-73,  Дебар-1, Штип-37, Прилеп-98, Тетово-72, Струга-17, Велес-55, Битола-51, Охрид-57, Кавадарци-40, Гостивар-84, Гевгелија-11, Струмица-30, Крива Паланка-10, Радовиш-9, Крушево-8, Кочани-34, Пробиштип-4, Демир Хисар-2, Македонски Брод-2, Пехчево-1, Берово-2,  Валандово-8, Виница-20, Делчево-6, Кратово-2,  Свети Николе-11, Кичево-10, Ресен-13, Неготино-11. 

Денеска Институтот за јавно здравје регистрира 937 оздравени пациенти од: Скопје-398, Куманово-50, Дебар-8, Штип-21, Прилеп-28, Тетово-41, Струга-18, Велес-38, Битола-28, Охрид-44, Кавадарци-29, Гостивар-23, Гевгелија-12,  Струмица-59, Крива Паланка-8, Радовиш-9, Крушево-2, Кочани-19, Пробиштип-8, Демир Хисар-6, Пехчево-1, Берово-4, Валандово-9, Виница-8, Делчево-17, Кратово-2, Свети Николе-15, Кичево-18, Ресен-4, Неготино-10.

МОЖНИ СЕ НОВИ РЕСТРИКЦИИ

За утре напладне претседателот Стево Пендаровски го свика советот за Безбедност на кој ќе бидат присутни сите членови, а поканет е и министерот за здравство, Венко Филипче.

Од Кабинетот на претседателот наведуваат дека на десеттата седница на Советот за безбедност ќе се разговара за актуелната ситуација со пандемијата на Ковид-19 на територијата на Република Северна Македонија и мерките и активностите на надлежните институции.

ЧИТАЈТЕ УШТЕ

Поранешната скопска хотелска гордост „Континентал“ годинава е на големо искушение. Тој е уште една голема жртва на корона вирусот кој не поштеди ниту една голема хотелиерска компанија. 

По сериозен притисок и постојан апел на Унијата на ЗМТАС, медицинските сетри кои повеќе од девет месеци се во средиштето на епидемијата на Ковид19 и прават натчовечки напори во негувањето и грижата за пациентите болни од корона вирусот да добијат редовни вработувања, конечно имаат позитивен исход.

Павле Трајанов, лидер на Демократскиот сојуз и пратеник, во Собранието поднесе Предлог закон за преиспитување на факти и докази користени во судска постапка, со кој, како што вели, ќе се овозможи фер судење за сите монтирани политички случаи, односно оние кои биле погрешно водени во периодот од 2007 до 2017 година.

Ски-центрите низ Македонија сметаат дека е апсурно да нема скијање и зимски туризам во текот на престојната сезона, кога истовремено ризикот за заболување од Ковид-19, велат од таму е минимален. Владата на една од последните седници донесе одлука со која забрани функционирање на ски центрите. 

Ако некој корисник на финансиска поддршка од 6.000 денари од Владата има блокирана трансакциска сметка, тогаш банката која има договор со Владата треба по негово барање да му отвори посебна трансакциска сметка поврзана со времена дебитна платежна картичка на трошок на банката на која ќе ја прими финансиската поддршка и која ќе биде изземена од извршување по било која основа.

Една е од столбовите на домашната преработувачка индустрија – клучен двигател за индустријата воопшто и една од индустриите кои најмногу вработува. За текстилната индустрија често се зборува од аспект на проблемите со кои се соочува во последниот период, но овој дел од македонската економија има сериозен потенцијал, можност за дополнителен раст.