ФАКТОР НА ДЕНОТ: Рекорд на заразени со коронавирусот, во меѓувреме се бара начин за надминување на разликите со Бугарија

Добивај вести на Viber

РЕКОРД НА ЗАРАЗЕНИ СО КОВИД -19

Министерството за здравство информира дека во последните 24 часа се направени 3211 тестирања, а регистрирани се 1192 нови случаи на ковид-19 во: Скопје-571, Куманово-63, Дебар-15, Штип-50, Прилеп-51, Тетово-87, Струга-10, Велес-42, Битола-43, Охрид-49, Кавадарци-15, Гостивар-40, Гевгелија-6, Струмица-36, Крива Паланка-3, Радовиш-4, Крушево-6, Кочани-27, Пробиштип-14, Демир Хисар-5, Берово-1, Виница-7, Делчево-2, Кратово-3, Свети Николе-7, Кичево-22, Ресен-11, Неготино-2. 

Денеска Институтот за јавно здравје регистрира 359 оздравени пациенти од: Скопје-206, Куманово-15, Дебар-2, Штип-11, Прилеп-17, Тетово-11, Велес-3, Битола-9, Кавадарци-11, Гостивар-4, Гевгелија-4, Струмица-14, Радовиш-3, Кочани-27, Пробиштип-4, Пехчево-1, Берово-1, Валандово-3, Свети Николе-1, Кичево-6, Ресен-2, Неготино-4.

СЕ БАРА РЕШЕНИЕ ЗА СПОРОВИТЕ СО БУГАРИЈА

За почетокот на пристапните преговори во Европската Унија телефонски разговарале претседателите Стево Пендаровски и Румен Радев. 

Разговарале за можноста да се постигне оддржливо решение за европскиот развој на регионот.

,,Нема потреба од нов договор или анекс, добрососедскиот договор е одлична рамка и нуди инструменти за надминување на праашњата за кои Софија има дилеми“, велат од Владата.

Германија сторила многу за европската иднина на Западен Балкан.

Oва го рекол премиерот Зоран Заев во телефонски разговор со канцеларката на Германија, Ангела Меркел. 

Заев телефонски разговараше со германската канцеларка Ангела Меркел, соопштија од Владата. 

„Во телефонскиот разговор меѓу канцеларката Меркел и премиерот Заев беше споделен заедничкиот интерес и истата цел на двете земји за време на германското претседателство со ЕУ, да се одржи првата меѓувладина конференција во декември како почеток на преговорите на Северна Македонија за членство во ЕУ“, стои во соопштението.

ДИМОВА ОСТАНА БЕЗ ПАСОШ

Кривичниот суд денеска одлучи да го одземе пасошот на разрешената директорка на Националната агенција за европско образование Лидија Димова. 

Таа ќе мора редовно да се јавува во судот. 

ЗАХАРИЕВА ВО ИЗОЛАЦИЈА

Вицепремиерката и министер за надворешни работи на Бугарија Екатерина Захариева е во самоизолација откако нејзиниот заменик  Петко Дојков бил потврден за позитивен на брз тест за Ковид-19. Резултатите од неговиот тест за ПЦР се очекуваат, соопшти Министерството за надворешни работи.

Оттаму додадоа дека Захариева нема симптоми и е во добра општа состојба и ќе продолжи да ги извршува своите службени должности. Резултатот од првиот брз тест на Захариева бил негативен. Иако резултатот од брзото тестирање не е причина за карантин, вицепремиерката веднаш се изолирала се додека не биле потврдени резултатите од заменик министерот Дојков. Резултатот од тестот за PCR на Захариева се очекува да биде готов на крајот на работниот ден.

ЧИТАЈТЕ УШТЕ

Големи промени во директорските фотељи во неколку клучни клиники во Скопје и Институтот за белодробни заболувања кај децата „Козле“.

Бројките на новозаразени и починати кои секојдневно пристигнуваат се аларманти, Владата носи мерки за спречување на ширењето на вирусот, но засега ситуацијата тешко се става по контрола.

„УНИБанка“ за првите девет месеци има процентуален најголем раст на добивка и на нето приходи од камати во споредба со сите други банки кои ги објавија финансиските резултати за првите три квартали годинава. 

„Државни патишта“ за половина година во 2019 успеало да продаде 13.707 електронски картички и тагови откако од минатогодишниот јули беше воведен електронскиот систем на наплата на патарините низ Коридорот 10.

Најголемата хотелска компанија во земјава за девет месеци има оперативна загуба поголема од 1 милион евра и тоа е за прв пат во дваесетина години овој гигант кој поседува шест хотели да книжи загуба во своето работење

Од Здружението „Гласен Текстилец“ од Штип се презадоволни откако е најавено дека неделата ќе биде неработен ден во земјава.

Пратениците го усвоија доцна синоќа ребалансот на буџетот. За гласаа 55 пратеници, против немаше, воздржани беа 26 пратеници. Станува збор за второ прекројување на државната каса годинава иницирано од економската криза.