ФАКТОР НА ДЕНОТ: Се договараат кадрите за новата Влада, денес нови 103 заразени со коронавирусот

Добивај вести на Viber

ВЕЌE ИМА ДОГОВОР МЕЃУ СДСМ И ДУИ

Владата е договорена, а свикан е централен и извршен одбор во СДСМ, дознава Фактор од партиски извори. 

Задутре  попладне СДСМ ќе има централен и извршен одбор. 

Партиското членство веќе е известено. 

ДЕНЕС НОВИ 103 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 912 тестирања, а регистрирани се 103 нови случаи на ковид-19 во: Скопје-13, Куманово-26, Штип-5, Прилеп-7, Тетово-3, Охрид-2, Кавадарци-6, Гостивар-15, Гевгелија-2, Струмица-1, Крива Паланка-2, Демир Хисар-7, Берово-1, Виница-5, Делчево-2, Свети Николе-3, Кичево-2, Неготино-1.

Денеска Институтот за јавно здравје регистрира 187 оздравени пациенти од: Скопје-60, Штип-17, Прилеп-4, Тетово-12, Струга-19, Битола-2, Охрид-16, Кавадарци-13, Гостивар-11, Крива Паланка-2, Крушево-1, Кочани-5, Демир Хисар-2, Македонски Брод-3, Берово-3, Виница-10, Кратово-1, Свети Николе-2, Кичево-2 и Ресен-2.

ШИЛЕГОВ ГО РАЗРЕШИ ДИРЕКТОРОТ СЕНКО

Петре Шилегов, градоначалникот на Скопје, објави дека го разрешил Сенад Смаиловиќ, откако директорот на јавното претпријатие, според тоа што претходно го објави „Лидер“ , бил фатен со кокаин од полицијата во Струга.

Шилегов сепак не ја наведува причината поради која го разрешува директорот кој во јавноста беше познат под името Сенко.

„Дозволете ми да ја известам јавноста дека досегашниот директор на ЈП Улици и патишта - Скопје денес е разрешен од досегашната фунција“, напиша кратко Шилегов на својот профил на Фејсбук.

ЧИТАЈТЕ УШТЕ

Дебар беше првото жариште на корона вирусот во Македонија. Сопружници од Италија беа првите заразени пациенти. Избувнувањето на пандемијата ги стави на тежок тест медицинските власти.

Се огласи судот преку кој ќе се води стечајната постапка на Еуростандардс банка, информирајќи дека е отворен стечај врз банката во петокот минатата недела. 

Државната комисија за спречување на корупцијата ќе испитува дали министерката Нина Ангеловска ја имала информацијата дека Народната банка ќе и ја одземе дозволата на Еуростандард банка кога ги повлекла парите од депозитот или во тој момент не била информирана што ќе се случува. Ќе се утврдува дали има злупотреба на службената положба. 

Стефан Николиќ е Извршен Директор на Cammeo Група Македонија, кој доаѓа на оваа позиција од висока менаџерска функција од Банкарскиот Сектор, при што, со амбициозен план и дефинирана стратегија, како и know how и поддршка од Cammeo Групацијата која работи во 5 држави и повеќе од 40 градови, верува во целосен успех на Cammeo на Македонскиот пазар.