ФАКТОР НА ДЕНОТ: Се навршија шест години од потпишувањето на Договорот од Преспа, потписниците повикаа тој да се почитува
Објавено во: Македонија 17 Јуни, 2024
ШЕСТ ГОДИНИ ОД ПОТПИШУВАЊЕТО НА ДОГОВОРОТ ОД ПРЕСПА
Поранешниот премиер Зоран Заев вели дека новиот премиер, Христијан Мицкоски не треба да згреши со Договорот од Преспа, затоа што со тоа ќе ја уништи европската перспектива за граѓаните.
„ВМРО-ДПМНЕ се десничарска, националистичка партија. Наредниот викенд ќе изберат влада и новиот премиер ќе има експозе. Мислам дека нема да направи грешки, бидејќи ако направи тоа ќе биде тешко за него. Ќе го предизвика целиот западен свет“, рече поранешниот премиер Зоран Заев на Меѓународната конференција за мир и одржлив развој во Атина.БЕСМИРА ЕЈУПИ ЌЕ ДОБИЕ ДИПЛОМАТСКИ ПАСОШ
Поранешната ТВ презентерка Бесмира Ејупи, која пред две години беше предлог за конзул во Њујорк, но поради бурните реакции во јавноста, остана во Македонија, сепак ќе замине во дипломатска мисија.
Решението го донел министерот во заминување Бујар Османи, а информацијата како што пренесуваат медиумите веќе е потврдена од МНР. Ејупи ќе биде испратена во конзулатот во Бон, Германија.
Од МНР велат дека станува збор за конзуларни претставништва каде има зголемен обем на работа поради тоа што нашата дијаспора патува дома и е поврзано со олеснување на издавањето на документи на шалтерите на конзуларните претставништва.МИЛЕ ЈАНАКИЕСКИ КОНЕЧНО НА СЛОБОДА
Денеска, по цели шест години, поранешниот министер за транспорт и врски, Миле Јанакиески, излегува на слобода.
Јанакиески издржуваше затворска казна од три години и шест месеци за случајот „Титаник“.ЧИТАЈТЕ УШТЕ
фото Фејсбук/Зоран Заев