ФАКТОР НА ДЕНОТ: Сиљановска-Давкова во првото годишно обраќање порача дека од ЕУ очекува европско однесување
Објавено во: Македонија 25 Декември, 2024
ПРЕТСЕДАТЕЛКАТА ОЧЕКУВА ЕВРОПСКО ОДНЕСУВАЊЕ ОД ЕУ
Претседателката Гордана Сиљановска Давкова денеска во своето годишно обраќање во Собранието повика оти е време за храбар ЕУ исчекор, по примерот на оној од 2004 година, што, како што нагласи ќе означи реунификација, односно реинтеграција на регионот во ЕУ.
-Балканот е природен дел на Европа: географски, историски и културно. Европската идеја е уникатна политичка филозофија подржана од сите политички актери, партии, но и граѓани во регионот. ЕУ членството ќе биде моќен мотив за демократски промени во регионот, што трајно ќе оневозможи закана и дестабилизација од фрустрираните националисти и ќе гарантира траен мир, истакна Сиљановска Давкова.
Таа нагласи дека целосната интеграција на Балканот во ЕУ ќе стави крај на бескрајното прекројување на границите, а со тоа и крај на балканизацијата како феномен, бришејќи ги границите меѓу балканските држави.СО ПАРИТЕ ОД „ДРЖАВНА ЛОТАРИЈА“ СЕ КУПУВАЛЕ ИМОТИ ВО МАКЕДОНИЈА И ВО СТРАНСТВО
Министерот за внатрешни работи Панче Тошковски во синоќешното интервју за ТВ Алсат рече дека со проневерените пари од АД „Државна лотарија“, како што рече, се купувале скапи имоти во земјата и во странство.
Тој рече дека во истрагата, поради која во странство избегаа поранешниот вицепремиер Артан Груби и поранешниот директор на „Државна лотарија“ Перпарим Бајрами, се вклучени институции од Финансиската полиција, Финансиското разузнавање, Царината, УЈП и Министерството за внатрешни работи.СЕ УРНА АЗЕРБЕЈЏАНСКИ АВИОН, ЗАГИНАА 38 ЛУЃЕ
Објавена е снимка од азербејџанскиот авион непосредно пред падот, на која се слушаат молитвите на патниците.
Триесет и осум луѓе загинаа денеска кога азербејџански патнички авион се урна во близина на Актау, Казахстан. Преживеале 29 патници од авионот на Азербејџан ерлајнс, од кои некои се тешко повредени. Видеата покажаа како авионот од Азербејџан се урнал од мала височина покрај брегот на Каспиското Езеро, не успевајќи да стигне до блискиот аеродром Актау. Tengrinews објави видео од кабината каде што се гледа како горат маските за кислород, се слуша викање на патници и човек кој извикувал „Алаху Акбар“ (Господ е најголем). Авионот летал од Баку до Грозни.ЧИТАЈТЕ УШТЕ
На 25 јануари идната година ќе се одржи вонредна седница на Собранието на акционери на Централна кооперативна банка.Како и вообичаено, Фактор прави анализа на домашните банки според нивната големина, или попрецизно, тоа е големината на нивната актива.
Владата на последната седница одлучила двојно да го зголеми надоместокот за наплата на концесијата на рудниците и другите експлоатации на минерални суровини, дознава „Фактор“.
Слободан Ивановски, в.д. директорот на Управата за финансиска полиција, во интервјуто „Фактор“ открива дека веќе се започнати две иницијативи за проверка на потеклото на имотот на поранешни функционери, од кои еден бил доскорешен судија. Се работи на повеќе предмети, а веќе е одземена документација од ЕСМ за спроведени сомнителни јавни набавки во периодот 2021-2022, вели тој во интервјуто.
фото Фејсбук/Кабинет на претседател
Можеби ќе ве интересира
Тошковски: Граничниот полицаец бил импресиониран од политичката големина на Груби и од луксузното возило
ЗА УСТАВНИТЕ ИЗМЕНИ СЕ ОГЛАСИ ГАШИ: Треба да има политичка волја и политички договор
Вива со новогодишна донација внесе празнична атмосфера во детските болници
СЛУЧАИТЕ РАСТАТ, НО АКТИВНОСТА ОСТАНУВА НИСКА: Состојба со грипот во Македонија
СЕКНУВАЊЕ НА ФИНАНСИИ: Како промената на материјалната состојба се одразува на психичкото здравје на луѓето?
ВЕЌЕ СЛУШНАТИ ФРАЗИ, РЕЦИКЛИРАЊЕ НА ПРЕДИЗБОРНАТА ФРАЗЕОЛОГИЈА: Ванковска за говорот на претседателката
ТОА ШТО ВЕЧЕРВА НЕМА ЖРТВИ Е ЧИСТА СРЕЌА: Салиу со хаотична приказна за неговите колеги и камион на Македонија пат....
ПАНОВСКИ ДОЖИВЕАЛ НЕСРЕЌА ВЧЕРА: Јас ќе бев смачкан, а возачот на џипот и да не беше осуден, ќе беше душевно осакатен
ГРАЃАНИТЕ ДА НЕ ПАТУВААТ ВО ТОЈ ДЕЛ: Извлечени се седумте лица кои беа заглавени во Лазарополе
