ФАКТОР НА ДЕНОТ: Сите го чекаат исходот од Охрид, Вучиќ, Курти, Борел и Лајчак со часови преговараат

Добивај вести на Viber

СО ЧАСОВИ ТРААТ РАЗГОВОРИТЕ ВО ОХРИД

Со часови во Охрид се водат разговори за нормализација на односите меѓу Белград и Приштина. 

Шефот за надворешна политика на Европската унија (ЕУ), Жозеп Борел го откажал летот за Брисел, брифираат дипломатски извори за Радио Слободна Европа. Повеќе од 10 часа траат средбите во Охрид со лидерите на Србија и на Косово.

Тој денеска во 10 и 30 часот ги започна средбите во Охрид во рамки на дијалогот за нормализација на односите меѓу Србија и Косово. Прво имаше одвоените средби со претседателот на Србија, Александар Вучиќ, а потоа и со премиерот на Косово, Албин Курти. На средбите присуствува и претставникот на ЕУ за дијалог меѓу Косово и Србија, Мирослав Лајчак. Потоа следуваше трилатерална средба.

Шест луѓе меѓу кои и едно дете загинаа денеска во земјотрес во Еквадор. 

Има и повредени, а причинета е и материјална штета. Делови од објекти се урнаа на улиците. Епицентарот на земјотресот со јачина од 6.9 степени бил во Гвајас, а земјотресот силно се почувствувал и во соседна Колумбија. Катастрофален земјотрес го погоди Еквадор во 2016 година, со јачина од 7,8 степени. 

Рускиот претседател Владимир Путин, за кого судот во Хаг вчера издаде налог за апсење за воени злосторства во Украина, денеска се шеташе на Крим. 

Тој пристигна на Крим на годишнината од повторното обединување на полуостровот со Русија, објави РИА Новости. Рускиот претседател беше во Севастопол на отворањето на уметничкото училиште и центарот Корсуњ во Херсонез.

фото Фејсбук Александар Вучиќ