ФАКТОР НА ДЕНОТ: Скопјани се закануваат во автобус при укажување да стават маска, денес имаме 100 заразени со корона

Добивај вести на Viber

СКОПЈАНИ СЕ ЗАКАНУВААТ ВО АВТОБУС ПРИ УКАЖУВАЊЕ ДА СТАВАТ МАСКА

Непријатно видео се шири на социјалните мрежи. Двајца скопјани не само што не носат маски во автобус, туку и се закануваат со сечење глави и топење во киселина и ги напаѓаат граѓаните кои ги предупредуваат на ова однесување, но и на возачот во автобусот.

На ова видео на кое се гледа како двајца граѓани од земјава во автобус на јавниот превоз се буквално без маски, односно ги носат, но не им се покриени ниту устата ниту носот, веќе се шири на социјалните мрежи. Тие им се акануваат на луѓето во автобусот кои ги опоменуваат, со образложение „не знаеш ти кој сум јас“, како и дека „ќе ги стопат во киселина“.

КАЗНИ ЗА ЧЛЕНОВИТЕ НА ДУИ КОИ СЕ ФОТОГРАФИРАА БЕЗ МАСКИ

Оливер Спасовски, министерот за внатрешни работи, денеска потврди дека сите функционери на ДУИ кои го одбележаа роденденот на партискиот лидер Али Ахмети без носење заштитчни маски во Министерството за политички систем добиле прекршочен платен налог.

„Казнети се сите до еден на таа маса, До сега не може да му замерите на МВР кога се работи за казни за државни функционери. Од премиерот, заменик-премиерот и министрите, сите до сега се казнети за превиди кои треба да се санкционираат“, рече Спасовски.

НОВИ 100 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 764 тестирања, а регистрирани се 100 нови случаи на ковид-19 во: Скопје-47, Куманово-3, Дебар-12, Штип-1, Прилеп-4, Тетово-10, Велес-3, Охрид-4, Кавадарци-8, Гостивар-3, Крива Паланка-1, Радовиш-1, Кочани-2,  Кичево-1.

Денеска Институтот за јавно здравје регистрира 551 оздравени пациенти од: Скопје-314, Куманово-10, Штип-14, Прилеп-27,  Тетово-16,  Струга-8, Велес-16, Битола-26, Охрид-16, Кавадарци-13, Гостивар-13, Гевгелија-12, Струмица-12, Крива Паланка-3, Крушево -11, Кочани-9, Пробиштип-1, Демир Хисар-2, Македонски Брод-2, Пехчево-3, Берово-3, Валандово-3, Делчево-1, Свети Николе-1, Кичево-5, Ресен-7 и Неготино-3.

УГОСТИТЕЛСКИТЕ ОБЈЕКТИ ЌЕ РАБОТАТ ДО 21 ЧАСОТ

Барањето на угостителите за продолжување на работното време е логично, и ние тоа ќе го разгледаме на некои од следните состаноци на Комисијата за заразни болести, истакна денеска министерот Венко Филипче по посетата на Клиниката за гинекологија и акушерство.

-Ова скратување на времето дополнително, иницијално кога беше донесено минатиот месец, рековме дека ќе биде до 21 јануари, кога практично и завршуваат прославите, верските празници, и тогаш веќе по автоматизам се враќаат на работното време до 21 часот. Сепак, ние ќе го разгледаме барањето дали би можело да се продолжи работното време уште за два часа, потенцираше министерот за здравство.

ЧИТАЈТЕ УШТЕ

Најновата анкета, објавена на телевизијата Телма, а спроведена од М-Проспект, по барање и нарачка од истата, исфрли на површина две тенденции, кои паѓаат во око: првата е стабилизирањето на маргиналната грешка во разликата на соодносот на двата политички блокови (мастадонти), кои се менуваат перманентно и наизменично на власт во изминатите три децении ( коалцииите предвидени од СДСМ и ВМРО-ДПМНЕ),  и нивен константен пад во гласовите кај традиционалното гласачко тело, и  второ неверојатен пробив нагоре на „контроверзната“ и популистичка Левица.

Последниот рок за исплата на Регрес за годишен одмор (К15) за 2020 година заврши со последниот ден од минатата година, а до почетокот на оваа недела до Државниот иснпекторат за труд пристигнале 135 пријави од неисплатени или само делумно исплатени работници. 

Популарната песна на артистот Childish Gambino гледано од денешна перспектива можеби делуваше и како пророштво за тоа што ќе и се случи на лулката на демократијата. Ова е Америка, посочи артистот во 2018 година, алудирајќи на подемот на белиот супрематизам, растот на масовните убиства и масакри, насилството од полицијата врз Афро-американците и глорификацијата на оружјето.

Владо Бучковски е еден од профилите кои ја одбележаа 2020 во Македонија, а така се очекува да биде и во 2021. Владата му додели важна функција како специјален претставник да биде посредник во надминувањето на спорот со Бугарија. Покрај тоа, Бучковски е и поранешен премиер, претседател на СДСМ, но и правен експерт и професор по римско право.