01 Декември, 2020
0.0263

ФАКТОР НА ДЕНОТ: Стапуваат на сила нови мерки, денес 862 заразени

Објавено во: Македонија, Корона Вирус 29 Октомври, 2020

НОВИ РЕСТРИКТИВНИ МЕРКИ - АКО НЕ ГИ ПОЧИТУВАТЕ СЛЕДАТ КАЗНИ

Од денеска стапува на сила мерката за задолжително носење маска и на отворено, откако синоќа во Собранието пратениците гласаа за измените и дополнувањата на Законот за заштита на населението од заразни болести.

Сепак постојат исклучоци каде граѓаните не мора да носат маска, а тоа е кафулињата и останатите угостителски објекти каде постојат и се почитуваат протоколи, односно каде што има потребно растојание меѓу масите и дезинфекција. Освен тоа, маските на отворено не се задолжителни при спортување на отворен простор или на затворено со почитување на специфичните протоколи за заштита (дистанца, дезинфекција и слично), при возење во приватно патничко моторно возило ако возачот е сам или со лице или лица со кои живее во заедница, потоа при престојување во двор на семејна куќа сам или со лице или лица со кои заедно живеат, маска на отворено нема да се носи ако се користи друг тип на заштитна опрема специфична за определено работно место, за деца до 6 годишна возраст и ако лицето има специфична здравствена состојба (лице со посебни потреби или е лице со пречки во развој), поради што носењето на лична заштита на лицето би било проблематично.

Казната за непочитување на овие мерки е 20 евра.

ДЕНЕС ВИСОКА БРОЈКА НА ЗАРАЗЕНИ

Министерството за здравство информира дека во последните 24 часа се направени 2699 тестирања, а регистрирани се 862 нови случаи на ковид-19 во: Скопје-390, Куманово-22, Штип-28, Прилеп-55, Тетово-48, Струга-9, Велес-53, Битола-31, Охрид-18, Кавадарци-24, Гостивар-18, Гевгелија-12, Струмица-27, Крива Паланка-10, Радовиш-7, Крушево-2, Кочани-25, Пробиштип-12, Демир Хисар-4, Македонски Брод-1, Пехчево-3, Берово-3, Валандово-6, Виница-9, Делчево-5, Кратово-6, Свети Николе-6, Кичево-17, Ресен-3, Неготино-8. 

Денеска Институтот за јавно здравје регистрира 223 оздравени пациенти од: Скопје-75, Куманово-9, Штип-10, Прилеп-16, Тетово-27, Велес-6, Битола-13, Кавадарци-6, Гостивар-5, Гевгелија-14, Струмица-14, Радовиш-6, Кочани-7, Демир Хисар-2, Берово -3, Пехчево-1, Кратово-1, Свети Николе-2, Кичево-4, Ресен-1 и Неготино-1.

Починати се 14 лица, пет пациенти од Скопје (35, 82, 62, 90 и 77г), еден од Прилеп (54г), еден од Тетово (88г), еден од Струга (66г), еден пациент од Велес (78г), еден од Битола (76г), двајца пациенти од Струмица (63 и 68г), еден од Радовиш (66г) и еден пациент од Ресен (83г).

СПАСОВСКИ Е НА ИНФЕКТИВНА КЛИНИКА

Министерот за внатрешни работи Оливер Спасовски од вчера е хоспитализиран на Инфективната клиника во Скопје, потврдуваат од МВР. Од таму велат дека Спасовски е во стабилна состојба.

„Министерот Спасовски од вчера е на Инфективна клиника поради висока температура. Неговата здравствена состојба сега е стабилна“, велат од Министерството за внатрешни работи.

Инаку, министерот Спасовски во понеделникот вечерта на својот фејсбук профил објави дека е позитивен на ковид-19. Тој во неделата беше во друштво на премиерот Зоран Заев и неколкуте високи партиски функционери на СДСМ за време на дигиталниот конгрес на владејачката партија.

ПЕНДАРОВСКИ ВЕЛИ СЛЕДНИТЕ МЕСЕЦИ НЕМА ДА БИДЕ ЛЕСНО

Претседателот Стево Пендаровски предупредува дека ситуацијата е сериозна, а следните неколку едели нема да биде полесно, бидејќи доаѓа и сезонскиот грип. 

Побара од граѓаните да ги почитуваат мерките и драстично да го намалат бројот на дружни и семејни собири. 

„За жал сведоци сме дека ситуацијата не се подобрува. Секојдневно имаме значителен број заболени, а бројот на оние чии животи згаснаа поради ковид е во пораст. 

И најбогатите земји и најразвиени економии тешко излегуиваат на крај со оваа болест. Не барам оправдување за секој потег на нашите власти.

ЧИТАЈТЕ УШТЕ

Јавноста во Македонија е силно вознемирена, не само од високиот број новозаразени, напротив, од високиот број починати лица. 

Собранието синоќа го објави предлог-законот за финансиска поддршка на работодавачите погодени од здравствено-економската криза за исплата на платите за месеците октомври, ноември и декември по скратена постапка, во кој пишува дека сите компании кои имаат збирна добивка од 10 милиони евра во 2017, 2018 и 2019 нема да добијат ништо од 70-те милиони евра предвидени за оваа мерка, дури и ако го исполнуваат условот со опаднат бизнис во 2020.

Министерот за здравство, венко Филипче, по седницата на Советот за национална безбедност во Кабинетот на претседателот, Стево Пендаровски, увери дека согласно нивниот план за реорганизација, има болнички капацитети, како и медицински кадар кој е целосно подготвен да работи во интерните одделенија каде ќе се хоспитализираат пациентиоте болни од Ковид-19.

Некои се веќе назначени, за други е распишан конкурс, трети со во зоната на шпекулациите, со помала или поголема извесност дека ќе бидат именувани на позициите. Директорската распределба е во тек, а медиумите ги откриваат имињата за тоа кој од партиските кадри - во која државна институција ќе ја добие раководната функција.

Можеби ќе ве интересира

Почина заменикот градоначалник на Скопје Енвер Маличи

Почина заменикот градоначалник на Скопје Енвер Маличи

Бугарија категорично НЕ, Меркел уште дава надеж за Македонија

Бугарија категорично НЕ, Меркел уште дава надеж за Македонија

Костадинов се пофали дека ќе ја донира целата пратеничка плата

Костадинов се пофали дека ќе ја донира целата пратеничка плата

Протестот почнува во 12.30: Мицкоски се извинува за метежот, бара масовност

Протестот почнува во 12.30: Мицкоски се извинува за метежот, бара масовност

СУДСКИТЕ ХОДНИЦИ РИЗИЧНИ: Адвокати реагираат дека поради долго чекање рочишта се изложени на зараза со ковид

СУДСКИТЕ ХОДНИЦИ РИЗИЧНИ: Адвокати реагираат дека поради долго чекање рочишта се изложени на зараза со ковид

ИТАЛИЈАНСКИ НОВИНАР ЗА ФАКТОР: Maкедонија да преговара со Бугарија, а во ЕУ да се смени механизмот на гласање

ИТАЛИЈАНСКИ НОВИНАР ЗА ФАКТОР: Maкедонија да преговара со Бугарија, а во ЕУ да се смени механизмот на гласање

Податоците на полноќ: 32 починати пациенти, Скопје на врвот

Податоците на полноќ: 32 починати пациенти, Скопје на врвот

ФАКТОР НА ДЕНОТ: Во Брисел нема оптимизам дека ќе ги почнеме преговорите, во Македонија се протестира

ФАКТОР НА ДЕНОТ: Во Брисел нема оптимизам дека ќе ги почнеме преговорите, во Македонија се протестира

ВМРО-ДПМНЕ протестираше во 11 града: Ласовска порача дека никој нема право да ги негира фактите

ВМРО-ДПМНЕ протестираше во 11 града: Ласовска порача дека никој нема право да ги негира фактите