10 Август, 2020
0.0361

ФАКТОР НА ДЕНОТ: Струјата поскапува, а денес имаме рекорден број на оздравени од коронавирусот

Објавено во: Македонија, Корона Вирус 31 Јули, 2020

СТРУЈАТА ПОСКАПУВА

Цената на електричната енергија на сметките на домаќинствата ќе се зголеми за 7,42 проценти од септември годинава, потврди претседателот на Регулаторната комисија за енергетика Марко Бислимовски откако ја донеле конечната одлука за поскапувањето. 

Електричната енергија ќе чини околу 5,9 денари за еден киловат скапа тарифа и 2,9 денари за евтина тарифа.

Граѓаните и понатаму ќе имаат евтина тарифа која останува во пресметката во часовите како и досега. 

Бранимир Јовановиќ, екс советникот на поранешниот министер за финансии, Драган Тевдовски на Фејсбук го искоментира поскапувањето на струјата. 

Тој направи споредба како другите земји се справиле со кризата предизвикана од пандемијата на коронавирусот. 

ДЕНЕС РЕКОРДЕН БРОЈ ОЗДРАВЕНИ ОД КОВИД - 19

Институтот за јавно здравје денеска регистрира 534 оздравени пациенти. 

Најголем дел од нив се од главниот град. 

Во Скопје има 353 оздравени, Куманово-61, Дебар-17, Штип-27, Прилеп-5, Тетово-17, Струга-4, Велес-4, Охрид-3, Гостивар-14, Струмица-4, Крушево-1, Кочани-2, Пробиштип-8, Свети Николе-5, Кичево-7, Ресен-2. 

Во денешните регистрирани оздравени лица најголем број од оздравените се лица од изминатиот период пријавени збирно од локалните центри за јавно здравје кон ИЈЗ.

ЌЕ ОДГОВАРААТ ГАЗДИТЕ КОИ ЗЕМАЛЕ СУБВЕНЦИИ, А НЕ ИСПЛАТИЛЕ ПЛАТИ

Премиерот Оливер Спасовски бара одговорност за непочитување на законските мерки, за фирмите кои добиле помош од државата, а не исплатиле плати на вработените. 

Според него, ако сега нема санкции, вакви случаи може да се повторат. 

„Јавната објава на списокот и знаењето на луѓето за тоа кои се тие компании кои не се солидарни и сакаат на друг начин да функционираат во овој момент е една работа, меѓутоа јас сум длабоко убеден дека за ваква состојба во која не се почитуваат пред се законските одредби мора да се сноси одговорност“, рече Спасовски во гостување во „Слободна ТВ“.

Тој смета дека доколку не се реагира во овој момент, тоа може да повлече  вакви слични дејствија и во иднина од други.

Фирмите итно да и ги исплатат на вработените платите за кои добие државни субвенции, рече денеска вицепремиерката Мила Царовска. Ако не се случи тоа, Владата најверојатно ќе побара од Јавното Обвинителство да покрене постапка за утврдување кривична одговорност против одговорните лица во компаниите.

ГРЦИЈА НЕМА ДА ГИ ОТВОРИ ГРАНИЦИТЕ СО МАКЕДОНИЈА

Границите на Грција остануваат затворени за соседните земји до средината на август. 

Прекинот на воздушните и морските поврзувања на Грција со Македонија, Албанија и Турција, како и одлуката што се однесува на копнените граници се продолжуваат до 15-ти август 2020 година. 

Денеска истекуваше одлуката од 15-ти јули за привременото ограничување на сите авионски, железнички и копнени поврзувања со Македонија, Албанија и Турција, која сега е на сила  за уште 15 дена. 

СО ЛАЖНИ МЕЈЛОВИ ПОВИКУВАНИ ГРАЃАНИ ВО ПОЛИЦИЈА

Министерството за внатрешни работи денеска соопшти дека до одредени граѓани и правни лица од страна на сторител кој лажно се претставува во име на МВР, односно во име на државниот секретар Магдалена Несторовска, се упатени лажни покани во врска со наводна тековна истрага за измама во банка. Од МВР апелираат до граѓаните да не наседнуваат на ваквите измами.

„Секторот за компјутерски криминал и дигитална форензика при МВР презема мерки и активности за законско санкционирање на сторителот. Ги известуваме граѓаните дека Министерството за внатрешни работи не користи електронска пошта за испраќање на покани до граѓани во врска со спроведување на истраги, туку тие покани се испраќаат во хартиена форма, со соодветна процедура. Апелираме до граѓаните воопшто да не ги отварат овие електронски пораки, стои во соопштението од МВР.

ЧИТАЈТЕ УШТЕ

На денешниот состанок, Комисијата за заразни болести даде препрака да почнат да работат градинките во земјава. За Фактор откриваат дека дозволата се однесува и за државните и за приватните установи кои згружуваат деца од претшколска возраст.

Учениците ќе се вратат во училишните клупи на 1 септември, но со маски и ќе треба да прават редовна дезинфекција на рацете. Часовите ќе траат по 20 минути. Вака ќе се одвива наставата во новата учебна година поради пандемијата на коронавирусот.

Но, педијатрите велат дека ќе биде тешко децата на настава да седат под маски. 

Дел од мајките кои добија отказни решенија за време на породилното отсуство, бараат да им продолжи исплатата, бидејќи во моментов, како што велат, ниту имаат работа, ниту имаат каде да се вработат, а се останати и без исплатата за породилното отсуство.

Годинава пад на вкупната економија од 3,4 проценти, но во следните три години раст на БДП од над 4 проценти предвидува Владата во најновата Фискална стратегија што беше усвоена во вторникот. 

Можеби ќе ве интересира

ФАКТОР НА ДЕНОТ: Нема договор меѓу Заев и Ахмети, а денес имаме 422 оздравени пациенти

ФАКТОР НА ДЕНОТ: Нема договор меѓу Заев и Ахмети, а денес имаме 422 оздравени пациенти

Разговорите продолжуваат, изјави Заев по средбата со Ахмети

Разговорите продолжуваат, изјави Заев по средбата со Ахмети

MИНИСТЕРСТВО ЗА ЗДРАВСТВО: Денес 422 оздравени пациенти, 109 нови и една жртва

MИНИСТЕРСТВО ЗА ЗДРАВСТВО: Денес 422 оздравени пациенти, 109 нови и една жртва

КОЛЕВ: Жалам, но во Куба нема да можат да го прочитаат „другарот” Апасиев!

КОЛЕВ: Жалам, но во Куба нема да можат да го прочитаат „другарот” Апасиев!

Се обеси затвореник во Идризово

Се обеси затвореник во Идризово

ДЕЦАТА ДО 10 ГОДИНИ ВО ШКОЛО, ПОГОЛЕМИТЕ ПРЕД КОМПЈУТЕР: Ова е еден од моделите, но нема заклучоци од денешниот состанок

ДЕЦАТА ДО 10 ГОДИНИ ВО ШКОЛО, ПОГОЛЕМИТЕ ПРЕД КОМПЈУТЕР: Ова е еден од моделите, но нема заклучоци од денешниот состанок

ДА НЕ СЕ ЗАБОРАВИ: Македонија се сеќава на осуммината загинати резервисти кај Љуботенски бачила

ДА НЕ СЕ ЗАБОРАВИ: Македонија се сеќава на осуммината загинати резервисти кај Љуботенски бачила

МВР: Се менуваат униформите по една година од Законот за јазиците

МВР: Се менуваат униформите по една година од Законот за јазиците

Заев смета дека Ахмети му прави притисок со поканата за средба на 13 август

Заев смета дека Ахмети му прави притисок со поканата за средба на 13 август