ФАКТОР НА ДЕНОТ: Уапсено е едно лице за дојавите за бомби, а Софијанова и Васев си дадоа оставки
Објавено во: Македонија 02 Ноември, 2022
ПОЛИЦИЈАТА УАПСИ ЕДНО ЛИЦЕ ЗА ДОЈАВИТЕ ЗА БОМБИ
Приведено e едно лице во врска со заканите за бомби во училишта во Скопје, соопшти полицијата.
Полициски службеници од СВР Скопје денеска (02.11.2022) го приведоа Н.Н. од Скопје, поради постоење на сомнение за поврзаност со заканите за поставени бомби во училишта во Скопје.
„Во координација со надлежното обвинителство се преземаат мерки за расчистување на случајот. Министерството за внатрешни работи ја информира јавноста и дека завршија антитерористичките проверки во врска со денешните пријави дека девет училишта на територија на Скопје на електронските адреси добиле порака со закана за поставена бомба и утврдено е дека станува збор за лажни пријави. Најнапред околу 14.30 часот во СВР Скопје беше добиена пријава од шест училишта, потоа околу 15 часот уште од две училишта и потоа од уште едно училиште во Скопје. Веднаш по добиените пријави, од полициски службеници се преземени мерки за безбедно евакуирање на сите девет училишта, а потоа се извршени и детални проверки од тимови за антитерористички проверки и утврдено е дека станува збор за лажни пријави“, соопштија од полицијата.СОФИЈАНОВА И ВАСЕВ СИ ДАДОА ОСТАВКИ
Од Министерството за здравство соопштија дека по барање на министерот за здравство, Беким Сали денеска се поднесени оставки од двајца директори на универзитетски клиники. Станува збор за директорката на Универзитетска клиника за детски болести, проф. д-р Аспазија Софијанова и директорот на Универзитетска клиника за радиотерапија и онкологија, д-р Никола Васев.
По назначување нови директори на овие клиники од страна на Министерот, јавноста навремено ќе биде информирана.Mинистерот за здравство, д-р Беким Сали денес го разреши од функцијата организацискиот директор на Универзитетската клиника за детски болести, Аљајдин Мемеди, соопштија од Министерството за здравство.
МНР ЌЕ РЕАГИРА ОТКАКО БУГАРСКИ ПРАТЕНИК ИСКАЖА ТЕРИТОРИЈАЛНИ ПРЕТЕНЗИИ
Maкедонското Министерство за надворешни работи(МНР) ќе реагира со протестна нота до бугарското МНР по изјавите на пратеникот Костадин Костадинов, кој кажа дека Македонија била бугарска.
МНР очекува надлежните инситуции и политички претставници во Бугарија да го осудат овој говор на омраза кој неспорно содржи и територијални претензии.ЧИТАЈТЕ УШТЕ
Можеби ќе ве интересира
ФАКТОР НА ДЕНОТ: Финансиската полиција го уапси Артан Ајрули за набавка на телевизори во Државна лотарија
ЗА НАБАВКА НА ТЕЛЕВИЗОРИ ВО ДРЖАВНА ЛОТАРИЈА: Уапсен газдата на „Ритрон Копи“
АЛБАНИЈА ПОТВРДИ: Артан Груби нема албанско државјанство
OJO: Поведена постапка за злоупотреба при јавни набавки во „Државна лотарија“
МИЦКОСКИ ТВРДИ ДЕКА СЛУЖБИТЕ ГО СЛЕДЕЛЕ НЕГО И НЕГОВОТО СЕМЕЈСТВО: Објасни која е причината
ФИНАНСИСКА ПОЛИЦИЈА УАПСИ ЛИЦЕ ПОВРЗАНО СО „ДРЖАВНА ЛОТАРИЈА“ - се проширува случајот
КРИВИЧНА ПРИЈАВА ЗА ПОРАНЕШЕН НАЧАЛНИК НА ОДДЕЛЕНИЕТО ЗА ОБЕЗБЕДУВАЊЕ ВО ВЛАДАТА - овозможил на колега кој не исплнил услови да добие бонус од 600 евра
Тошковски: Граничниот полицаец бил импресиониран од политичката големина на Груби и од луксузното возило
ЗА УСТАВНИТЕ ИЗМЕНИ СЕ ОГЛАСИ ГАШИ: Треба да има политичка волја и политички договор
