ФАКТОР НА ДЕНОТ: Уште три дена за договор со Софија, денес повторно над 1.000 заразени

Добивај вести на Viber

ОСТАНУВА КРАТКО ВРЕМЕ ЗА ДОГОВОР СО БУГАРИЈА

Шефот на македонската дипломатија, Бујар Османи денеска на прес - конференција изјави дека  е оптимист во однос на преговорите со Бугарија. 

Вели дека до последен момент македонската страна ќе се труди да постигне договор. 

Османи кажа дека постигнат е напредок во многу прашања, дури 7-8 кои биле чувствителни за едната или за другата страна.

„Се уште се пред нас уште три дена, ќе работиме до последниот момент да аргументираме дека процесот на европските интеграции не е процес којшто е важен само за Република Северна Македонија, туку и за Бугарија и за сите земји членки на Унијата, пред се и за кредибилитетот на Унијата, но и за регионалната динамика“, изјави министерот. 

Објасни дека во изминатите три месеци имаше интензивна комуникација на сите можни нивоа, не само во Скопје, туку и надвор, за постигнување заедничко решение со Бугарија.

Бугарски политичар излезе со став дека Македонија треба да се обедини со Бугарија. 

Убеден сум дека соработувајќи отворено со нашите соседи ќе го најдеме вистинското решение, но бидејќи Договорот за соседство не води кон нив, имаме право да бараме други средства, вели бугарскиот претседател Румен Радев за БНТ за односите со Македонија. 

И ДЕНЕС НАД 1.000 ЗАРАЗЕНИ СО КОРОНАВИРУСОТ

Министерството за здравство информира дека во последните 24 часа се направени 3353 тестирања, а регистрирани се 1168 нови случаи на ковид-19 во: Скопје-513, Куманово-68,  Дебар-6, Штип-27, Прилеп-77, Тетово-65, Струга-40, Велес-36, Битола-58, Охрид-25, Кавадарци-29, Гостивар-30, Гевгелија-5, Струмица-33, Крива Паланка-5, Радовиш-7, Крушево-3, Кочани-19, Пробиштип-1, Демир Хисар-1, Македонски Брод-3, Пехчево-3, Берово-3,  Валандово-6, Виница-5, Делчево-3,  Кратово-11, Свети Николе-33, Кичево-42, Ресен-4, Неготино-7. 

Денеска Институтот за јавно здравје регистрира 692 оздравени пациенти од: Скопје-394, Куманово-25, Штип-27, Прилеп-22, Тетово-49, Велес-33, Битола-14, Охрид-2, Кавадарци-12, Гостивар-22, Гевгелија-12,  Струмица-18, Крива Паланка-6, Радовиш-3, Крушево-1, Кочани-12, Пробиштип-6, Демир Хисар-2, Македонски Брод-1, Берово-6, Виница-2, Кратово-1, Свети Николе-3, Кичево-16, Ресен-1, Неготино-2.

ОПОЗИЦИЈАТА ОБВИНУВА, НО И БАРА ОДГОВОРИ

Двете најголеми партии во земјата, СДСМ и ВМРО-ДПМНЕ денеска меѓусебно се обвинија дека може на едните, односно на другите да им се случи народ. 

Лидерот на ВМРО-ДПМНЕ, Христијан Мицкоски вели дека на премиерот Зоран Заев ќе му се случи народ доколку Владата преговара за решение кое ќе го негира нашиот идентитет, историјата, нашиот македонски народ, неговата посебност, порача лидерот на опозицијата Христијан Мицкоски. Тој вели дека не смее да се преговара за македонските национални херои, но и за откажување од малцинството во Бугарија.

ЧИТАЈТЕ УШТЕ

Имам 46 години и досега вакво нешто не сум видел, вели Александар Костиќ, претседател на месната заедница во селото Галичник.

Социјалното претприемништво може да одговори на многу општествени проблеми со конкретен производ и услуга, а притоа да ја задржи хуманоста, социјалната и општествена одговорност и да отвори многу можности, како за посветените претприемачи, така и за многу групи на вработени кои својата шанса за напредок во кариерата би си ја нашле токму во ваков вид на компанија.